طريقة روعه .... خلت عيالي يركضون للصلاة

السلام عليكم ورحمة الله وبركاته


يا هلا وسهلا بكم حبيباتي...

أبقص لكم قصتي مع عيالي والطريقة إلي خلتهم يركضون للصلاة... بس عاد لا تنظلونهم... ...

أخاف بعدين أقول ياليتني ما كتبت الموضوع...:hahaha:ههههه ترا أمزح عليكم توكلنا على الله


بصراحة أنا أعاني من آداء عيالي للصلاة هم في ثاني إبتدائي

وتشوفيني أنا ويا هم يا بالهداوة أو بالمواعظ وأحياناً أزعل منهم

وودهم كل وقت يصلون بالبيت ... يقولون في المسجد يطول...هههه ياااااااعمري عليهم ...

ويا صلوا في البيت يا ما صلوا...

بس أنا ما أتركم بدون أمر بالصلاة لأن الأمر بالصلاة واجب وصلاتهم تطوع لهم إذا كبروا لأنها ليست بواجبة عليهم الصلاة...

المهم لقيت بالنت صورة لشجرة الصلاة ...

كل فرض فيها يمثل ورقة لحد ما يكملون تلوين الشجرة كلها...

فطبعتها لهم وقلت لهم بعدين لما نخلصها أبعطيكم عن كل ورقة ريال أعطيكم المبلغ وتتصرفون فيه...

بصراحة يااااا هااالطريقة حمستهم بشكل صاروا يا عمري يتراكضون للصلاة ...

أقول بس عسى ما يطيحون بالدرج... لأني قايله لهم إذا صليتوها بالبيت تلون ورقة هذا الفرض بالأصفر ...

طبعاً أنا محددة لهم في أيام الدراسة فرضين في المسجد العصر والمغرب...

بس أحس الطريقة مرررره كويسة...

ولا تقولين ما ودي أربطهم بالشيء المادي ترا اليوم المقابل مادي وبكره يتعودون على الصلاة بيصلونها لو بدون مكافيء ...

عشان كذا الرسول أمرنا بأمرهم بالصلاة عشان يتعودون ... فأنصحكم بهالطريقة حسيتها مررره روعه:icon18:

فما عليك إلا تكتبين في قوقل شجرة الصلاة وبتطلع لك طبعاً احفظي الصورة واطبعيها.. .

ولو أعرف أنزل صور كان نزلتها لكم، ولا تنسون تدعون لأنفسكم وذرياتكم بدعاء إبراهيم عليه السلام

( رب اجعلني مقيم الصلاة ومن ذريتي ربنا وتقبل دعاء)

لو ما بعد تزوجتي استعدي بهذا الدعاء وسلاااااامتكم