طريقة رووعة وسهلة لشب النار بدون عناااء

الملتقى العام

نقلت لكم الطريقة بمناسبة بدء الشتاء
اتمنى الموضوع ما ينقل لانه هنا اكثر المشاهدات والاستفاده تكون اكبر

وينكم يا اهل الطلعات و المكاشيت

و انا اتمشى باحد المواقع لقيت هالايميل وقلت هذا وقته ليه كل يوم نكب الرماد و ما نستفيد منه

و على فكرة له فوائد كثيرة بهذي الطريقة لكنه ما ذكر الا احدها ،،،





بعد ما تنتهون من سهرتكم على جال الضوء بيبقى الرماد

يجمع في علبه زجاج او اي علبه بعد ما تعببيء العلبه با الرماد

تصب عليه قاز (كروسين) وتخلطه مع القاز لان القاز افضل من الديزل ما يدخن واطول عمر في الاشتعال

بعد ما تخلطه تغطيه لبكره

واذا جيت تبي تتشب النار تحط ملعقه وحده بس وتكبها تحت الحطب

وتولع فيها شرط يجمر الحطب والولعه عادها شابه افضل من الولعه البيضاء اللي في السوق


تاخذ من هالرماد و تحطه في مرطبان او زبدية او اي شي ما يتأثر بالكاز





امل الزبدية بس مهوب بالحيل عشان تقدر تخلط





صب عليه القاز و بتلاحظ ان بيكون فيه مثل الغبره تطلع من الزبدية




خله يمتلي بس مهوب بالحيل و تأكد قبل ان الكاز وصل الى الاسفل





تذكر طفولتك و اقعد اخلط بالملعقة مو بيدك




لحد ما تحس ان الرماد تشبع بالقاز





خذ ملعقة و قريها من الحطب و الا الارطى اللي بتولعها




أوقد النار ياشبابها





و على بركة الله خلها تقبع




و ارمها تحت الارطاء او الحطب





وشب على دلالك و لا تقول و الله بتطفى النار بعد اليوم

22
2K

يلزم عليك تسجيل الدخول أولًا لكتابة تعليق.

تسجيل دخول

متفائلة للابد
جزاك الله خير
واسعدك في الدارين
وحقق لك امنياتك
جــــــــــــــــارى التطبيق
000شموخ المها000
جزاك الله خير
مستبشرة بالخير
جزاك الله خير على هالمعلومة ..
mmms
mmms
مشكوره
سر الطعم
سر الطعم
جزاك الله خير ا اقدر الشبة مرة