انا سلمكم الله كنت ادرس ثاني متوسط وجاتنا طالبه جديده تعرفت عليها وصرنا صديقات كانت دايم تقولي ولد عمتي طبيب خلنا نخطبك له وانا كنت اقولها لا اهلي مايوافقون بحكم حنا قبايل وماناخذ الا قبيلي المهم بعدها بسنتين تزوج وكانت تحكيني قصة الزواج وش سوو وش لبسو وكيف العروسه وكيف صار الزواج وبعدها انخطبت وملكت على واحد من الجماعه جلست معه 4 شهور وعلقني سنه وبعدين خلعته الا بعدها بفتره تحكيني صديقتي على ولد عمتها انه جلس مع زوجته 4 شهور وطلقها ليش ماناسبته عاداتها لانها مره منفتحين
المهم قالتلي خلهم يجون يخطبونك قلت الكلام مع ابوي مو معاي وانا كنت بثالث ثانوي المهم اخذو موعد وجو خطبو ابويا ارتاح لهم وسال عنه والحمدلله جو اهله وشافوني وعجبته وارتحنا لبعض وسبحان الله كل شي تم بسرعه من خطوبه لملكه لزواج 3 شهور بس واتزوجني
ودايم اقوله سبحان الله صديقتي كانت تحكيني على زواجك والان صرت زوجتك سبحان الله اللي رايد نكون لبعض والحمدلله لي الان معه 7 سنين وجبت احلى طفلين الله يخليهم لي

والله ياطويلة العمر .. هو من جماعتنا القريبين

كانت خطبة تقليدية .. بما أنهم بمنطقه وحنا بمنطقه .. سيروا علينا مسيار عادي

بعدها دقوا وخطبوا .. بعدها صارت الملكه .. بعدها تزوجنا .. بعدين جبنا عيال :)

وهاذي كل السالفة .... ياحبي لي وله ولعيالنا :) الله لا يغير علينا .. اللهم آمين

ياشين اللقافه بعض المرات شيناه

انا زوجي جاه تعين في نفس لمكان الي ولد اختى متعين فيه


وبعد سنه قاله ان يدور عروس كذا وكذا ....بعض من صفاتي

الا ولد اختى الملقوف قاله>>>>>خالتي تصلحلك

ويجيك طاير ويخطبني وبعد اسبوع الشوفه وبعد شهرين الزواج

ودايم اهوش ولد اختى >>>>اقوله انت بليتني فيه

وهو بعد اذا شافه يقوله بليتني بخالتك

وبحكم ان ولد اختى معه بلعمل لاحظ انه عصبي ....وقاله خلتى مثلك عصبيه

قاله ميخالف اربيها >>>>>>>اهم شي عنده الزين

لكن وين يربيني لي معه 16 سنه وابشركم يبنات انا الي ربيته

الله يخليه ويهديه ابو عيالي الحين ...راضيه فيه وراضي في

اذا رضي عني دعا لولد اختى واذا زعل تحسب عليه

وانا بلمثل ...؟؟

يارب يسعد هالمرور الطيب..الله يديم السعاده بينكم جميعا
شكرا ياغاليات...وننتظر المزيد

انا كان عندي زميله في الكليه و زميلتي دي عندها اخت و اختها كانت جايبالي عريس اخو واحده صديقتها و اخذت صورتي علشان توريها لاخت العريس و كان زوجي اللي هو زميل الاتنين في الشغل موجود و شاف صورتي بالصدفه و كان اللي كان
تهتوا و الا لسه
ههههههههههههه