بالنسبه للبهارات انا استخدم (بهارات الشوربه )تجي جاهزه في علبه اخذها من السوبر ماركت مثل جيان واحط معها ماجي ليمون اسود وفلفل اسود مطحون وبس احسن من حوسة البهارات وبس

عندي طريقة حلوة وسهلة متعلمتها من الوالدة

تقطعي لحم مكعبات وبصلة مفرومة و طماطم مخلوط بالخلاط

تضعي اللحم والبصل والطماطم وزيت مع بعض وتتركيه حتى يغلي ثم تضيفي ملعقة بهار مشكل

وتضعي ليمون أسود حبة واحدة وعود دارسين

وتحطي مقدار من الماء الحار

لما يغلي اتركيه لحد ماتتسوي اللحمة
اضبطي الملح

ممكن تحطي مكعب ماجي

ثم اضيفي الشوربة


والمهم مقدار الشوربة لو كان الماء مقدار كوبين تكون نص كوب

طبعا الشوربة مقداره يثقل الشوربة او يخففها زي ماتحبي لو مانتي عارفه المقدار صح اضيفي كمية بسيطة وشوفيها بعد دققتين لو ماهي بالسمك اللي تبيه زودي

لان شوربة كويكر تذوب بسرعة


وانصحك ماركة جلوريا ترى احلى من كويكر بكثير

واتركيه تغلي دققتين ثم اتركيها على نار هادئة ربع ساعة

واضيفي كركم ملعقة صغيرة

يعطيها لون حلو ورشي رشة خفيفة من بهارك المشكل قبل الغرف بشوي يعطي الشوربة نكهة حلوة


ممكن تضيفي لهم ظرف شوربة ماجي بالشعيرية

خذي طريقتي وأن شاء الله بتعجبك
حمسي بصله بشوي زبده (تعطي ريحه ونكهه حلوه)ثم أضيفي حبه طماطم وسط مفرومه وقلبي شوي وأذا حبيت يطلع لونها أحمر زيدي معجون طماطم ثم حطي بهاراتك و مرق ماجي وقلبي ثم زيدي شوي ماء وأخلطيها بالخلاط(حتى مايطلع لك كلاكيع بالشوربه)رجعيها للقدر وزيدي الماء للحد اللي ترغبين ثم حطي اللحم (أنا أفضله على الدجاج)خليه ربع ساعه ثم خذي منه مقار كوب وحطيه في الخلاط وحطي عليه تقريبا نص كوب شوفان وأخلطي(أحبها ناعمه وأنتي ورغبتك)صبيها على المرق وحركي بسرعه حتى لا تتكتل وخليها على نار هاديه نص ساعه وأذا حبيتي تضيفي مرق الدجاج بالشعيريه بيعطيها نكهه أو مكرونه على شكل حروف بس لاتكثري هي بس شكل في الصحون لما تقدميها
هاذي طريقتي ولله الحمد ما يبقى لي شي منها
وطبعا أذا كان عندي عزيمه أسويهابعد صلاة الظهر مباشره وأطفي عليها قبل تستوي وبعد ما أفطر أرجعها على النار وأصلي المغرب وأخليها ثلث ساعه (حتى ما تشغلي الفرن تعرفي قدر الشوربه كبير والعصريه يكون الفرن مليان)

نسيت أقولك تضيفي الليمون الأسود والقرفه على المرق قبل الكويكر

ماشاءالله كفو ووفوا بنات حواء

الله يعطيهم العافيه جميعا