طريقة صديقتي التايلنديه في طبخ الروبيان تجننننن

السلام عليكم ورحمة الله وبركاته

احلى صبايا جبت لكم اليوم طبخه بحريه بطريقت صديقه لي تايلنديه عاد معروفين شرق اسيا بالطبخ اللذيذ والسريع

في الماكولات البحريه عاد انا افهم منها كلمه وعشره لا (كلامها كله انجليزي والله يخلف علينا بالانجليزي ههههه)

اهم شي احفظ منها طبخات غريبه وتاخذ مني طبخات خليجيه >>>>>>ادري طولتها :35:

نبتدي طبخت الروبيان :cook:عاد هذه طبخه ما ادري شسمها غريب اسمها :35:ما عليكم من اسم الطبخه عليكم بالطبخه


المقادير

روبيان نضيف عدل عدل (الكميه حسب الاشخاص )


3 طماطم متوسطه (او حسب الكميه الي تتطبخيها من الروبيان

ملعقتين معجون الطماطم

ملعقه زنجبيل مطحون ناعم _ملعقة ثوم مطحونه ناعم _ملعقة شاي كمون_ فلفل اسود (حسب الرغبه)_بهاراتك المفضله عندك

كزبره

بصلتين متوسطه

بودرة حليب جوز الهند ملعقتين ذوبيها في نص كوب ماء

صلصة اسمها (افكو صلصه حاره محلاه)

صلصة ريح المحار (هذه والي قبلها تحصليها في سوق التميمي وجنبها صلصات غريبه بس تخلي اكلك البحري يجننننن)


(مقادير الصلصه الاولى والثانيه ما فيه شي محدد بس انا لما اسويها خمس ملاعق من كل وحده من الصلصات )

ماجي

ملح صيني ملعقة

ملعقه سكر

قرون فلفل احمر (حسب الرغبه)


الطريقه :

نسخن الزيت (اي نوع تفضلينه انا احط زيت زيتون )

نفرم البصل ناعم ونضيفه على الزيت نحركه بسرعه على نار عاليه نقصر عليها بعد ما يتحمر ونضيف الزنجبيل والثوم ونرفع للنار ونحركه بسرعه حتى ما يلتصق الثوم بعدها نضيف الكمون والفلفل والماجي والملح الصيني ونحركهم ونضع الصلصات (صلصة افكو _وصلصة ريح المحار)

بعدها نضيف معجون الطمام والفلفل الاحمر ونقلبه وبعد ما ينخلطو الكل مع بعض نضيف الروبيان ونرفع لنار ونحركه وبعدها نقصر عليه ونضيف
الطماطم ونذوب بودره جوز الهند في نص كوب ماء دافئ ونصبه فوق الخلطه هذه ونقلبه ونسكر عليها الين يستوي الروبيان ويتسبك ولما يستوي نظيف السكر ونحركه وبعدها الكزبره من فوق وسكريها وطفي النار .

وقدميها مع ارز ابيض


وبالعافيه


(ادعو ربي يوفقها ويسعدها الي علمتني الطبخه هذه )