كيفكم خواتي...
نزلت لكم موضوع مصورلعيونكم من تصويري بالشرح عن طريقة صنع الdiaper cake
او هرم الألعاب
نبتدي على بركة الله
وسامحوني لان كامرتي عطلانه فصورت من الموبايل
يالله
ماشاء الله تبارك الله
اول شي نقطع على هيئة دائرة قطعه كرتون مقوى بإستخدام صحن كبير من ثم نغلف الكرتون بجلاد باي لون بس يتناسب مع التنسيق العام
بعدين نثبت اسطوانه كرتونيه ممكن تبع القصدير او السيلوفان نثبته بسيليكون بوسط او سنتر الدائره(هالخطوه مهمه حتى تثبت الكيكه)شلون؟؟بتعرفون بعدين
هنا ثبتتها ...
نجي للمكون المهم...نجمع الحفاظات المطلوبه+مطاط حجم صغير وهنا حبيت أستخدم هالنوع مفيد وما يبان ولو في شفاف أحسن
عندي الحفاظه نفتحها ونلفها من بداية الجزء الي به تشك شك ونشد بإحكام ونلف عليه المطاط أوكي
وتكون بهالشكل...واضحه؟؟
ليما نخلص الكميه المطلوبه كلهاوهنا عندي 25 حبه لعمل طبقتين حجم وسط
تابعوني بالرد الثاني ...لا حد يرد رجاء
ناخذ مطاط كبير ونلفه حول الاسطوانه....
ونبتدي ندخل الحفاظات شوي شوي حول الاسطوانه بيكون المجموع 19 حبه وحاولوا ان الاستيك لصغير يتوسط مع المطاط الكبير
ونبتدي بالطبقه العلويه وفيها 6 حبات
وهنا بعض الاغراض او الي راح تحيط بالكيكه(دميه حبيت هالضفدع مادري ليش:42:)عدد2فوط صغيره طقم للبيبي بدله جورب قبعه وملحف
ولوشن -مصاصه-ملعقه-قرقاشه-مشط ووووو