السلام عليكم حوائيات
كيفكم ياحلوات ؟بصراحه قريت اليوم موضوع اجبرني انزل هالطريقه لان فيه بنات ممكن ياحرام نغشون بالصابون اللي يشترونه او مايعرفون نوعيات كويسه
طبعا انا طبقت الطريقه وطلعت لي الصابون المغربي الحق
انا جابت لي وحده من المغرب صابون مغربي واستخدمته وبقى منه شوي وقلت يابنت ليه ماتسوين لك خلطة صابون بدل الصابون المغربي ومن الحاجات اللي عندك في البيت من ضمن التخابيص اللي تخبصينها دايما
:cook:
طبعا شمرت عن ساعداي
وجبت صابون غار طبيعي رطب
مكتوب عليه غار طبيعي برائحة الصنوبر
طبعا انتي ممكن تستخدمي غار الامير
او غار حلب
او غار كسب
او اي نوع غار يناسبك
وبما انو انا بشرتي جافه وحساسه جبت صابون الغار الخاص بالبشره الجافه والحساسه
اخذت حبه وحده وبشرتها بمبشرة الجبن الوجه اللي فتحاته صغار عشان يصير صغار ويذوب بسرعه
وحطيتها في سطل صغير حق الزبادي
وحطيت فوقها 1كوب ماء ورد
2 م ك كركم
و2 م ك جليسرين سايل
و2م ك زيت لوز حلو
و3م ك نشاء
وتركتها لثاني يوم صارت الخلطه حمراء مايله للبني
وتركتها بعد يوم ثالث وجيت وضربتها بمضرب الكيك وش تتوقعون صار ؟
صارت زي عجينة الكيك
وقمت يابنات الحلال وحطيت الخلطه في علبه ضغاط حقت معقم اليدين
والباقي صبيته في قارورة صحه لبعدين اذا فضت العلبه اللي في الحمام تكرمون
ويوم بعد يوم اجي امر عليها وارج العلبه واناظر اقول يالله من زمان ابي طريقة حلوه للحمام المغربي واخيرا حصلتها
يوم جيت ابي اسوي الحمام المغربي
فعلا لقيت ان الصابون هذا صابون مغربي مثل اللي جابته صديقتي من المغرب بالضبط لازياده ولانقصان نفس الليونه ونفس اللزوجه ونفس الرغوه ونفس الرييييييييييييحه
صرت اتشجع اسوي الحمام المغربي بسبب نجاح الطريقه
انتو شدو الهمه وجربو وشوفو النتايج بعيونكم
اتمنى اني افدتكم وشكرا
NOOR AL_HUDA @noor_al_huda_1
محررة ماسية
يلزم عليك تسجيل الدخول أولًا لكتابة تعليق.
امـ عبود
•
مشكورة حبيبتى ويعطيج العافية
الصفحة الأخيرة