اذكروا الله وصلوا على النبي >>> لا إله الا الله والصلاة والسلام على نبينا محمد
اللي مشغولة ولا بها نوم ولا عندها ورعان تشقح المقدمة الله لا يهينها مالكم لزوم بالبربسة
هذه الله يسلمكم مرة من المرارير وانا افرفر بالمنتدى طحت على حاجة غريبة اللي هي طبخ المظبي على ملح والظاهر ان اللي منزلته اسمها الداعية او شي زي كذا المهم الله يجزاها خير قلت وراني ما اجربه عاد من النذالة بس لا تعلمون احد قلت لأختي اول تجربه >>>>نجاسة داخلة في الربح طالعة من الخسارة
واختي السنعة جربته وطلع شي خيال
عاد يوم سويته صورته وقلت انزله لكم الله يستر المرة اللي راحت نزلت كيكة التمر خرب النت علي اسبوع كامل >>>> ما يسوى علينا هالموضوع
المظبي شكله بيجيب اجل النت مرة وحدة
الموهيم نجي للمقادير :
مظبي جاهز من السوق
صحن
سفرة :angry2:
شوي شوي لا تدفون تراي امزح
المقادير الصدقية :
لحم او دجاج ( انا استخدمت دجاج وقطعته اربع قطع )
بهارات - ملح
ملح القصب وهذا اللي بنطبخ عليه المظبي ركززززززززززززززوا ملح قصب خشن مو تجي وحدة تحط ملح خشن عادي وابتلش فيها
والكيسة تجي ب 3 ريال
الطريقة : الدجاجة طبعا تكون ذايبة وتبليها بالبهارات اللي تحبينها وشوي ملح عادي
ثم عبي ثلث القدر من ملح القصب
ولعي عليه النار لين تسمعين له طقطقة من الحرارة لا تخافون ماراح يميع
ثم حطي قطع الدجاج على الملح الحار بشويش بحيث انه ما يتحرك على الملح مجرد حطيها بدون تحريك
ثم احكمي القدر بقصدير ثم بالغطاء بحيث يكون الدجاج مكتوم والنار هادية
بعد نص ساعة بتبدين تشمين الريحة اللي تدوخ
وبعدساعة بالضبط بيكون استوى واعذروني الصورة هاذي وهو في القدر مي واضحة
وبعدين طلعية من فوق الملح بتلاحظين انه شوي لاصق عادي
وهاذي صورته وهو جاهز
والرز سويه لحاله زي ما تحبين
وطبعا ما صورته وهو في الصحن لأني ما كنت اذهن من الجوع>>>ههههههاي
وترقبوني في طبخة اخرى وشكرا
والله الله بالردود ولا تراي باعصب وانا اذا عصبت ما ارحم
استني حبيبتي لين يوافقون الاشراف