طريقة عملي للمطبق زي حق السوق

اولآ... السلام عليكم ورحمة الله وبركاتة

اليوم جايبة لكم طريقة عمل المطبق حقت السوق

المقادير....
دقيق_ملح_ماء
قدري المقادير بنفسك على حسب احتياجك

الحشوة
بيض_قليل من الكراث_فلفل اسود_ملح_بقدونس_كزبرةحسبالرغبة
وممكن تحطي لحم مفروم

وفي حشوة ثاني كنت لما اروح جدة وجيب مطبق يكون محشي بالتونة بس ما ادري وش طريقت واضافاتة ممكن تبدعوا فية انتوا او تجيبوا حشوات من عندكم وتخترعوا


الطريقة
اعجني الدقيق والملح بالماء وبعدين سيبيها ترتاح من اللت والعجن
وبعد كذا ادهني السطح اللي بتفرد علية بالزيت وزودي الزيت عشان تنفرد معاك بسهولة
افرديها لحد ما تصير رقيقة شوي وبعدين شيلي العجين وحطيها على الصاج او الصينية وتكون الصاج مدهونة بشوي زيت
وخلي اطرافها تطلع لبرى يعني تصير اطراف العجينة من فوق اطراف الصاج لبرى
وافردي عجينة صغيرة وبرضوة خليها رقيقة وحطيها وسط الصاج او الصينية و وسط العجينة المفرودة على الصاج وبعد كذا
اخلطي مقادير الحشوة مع بعض واسكبيها بشويش في وسط العجينة والصاج
وطبقي اطراف العجينة على بعض
بيصير شكلها تقريبآ زي المربع خلي طرفين متقابلين تغطي الحشوة والعجينة كلها يعني لما تشيل كل طرف وتغطيبة يوصل للطرف الثاني يعني تطبق فوق بعض
اما الطرفين الثانية خليها صغيرة يعني ما توصل للوسط يا دوب تغطي بها الحشوة عشان ما تنزل وتطلع الحشوة للبرى وبرضوة الهدف انها تكون صغيرة ووالثاني طويلة عشان ما تصير طبقات كثير اكثر من اللي تحت
وعشان تسهل لك قطعي العجينة من الاركان بس لا توصلي للوسط يعني يصير شكل التقطيع زي الظرف لما تكون مفككة اطرافة عشان تسهل لكِ في التطبيق
وبعدين شيلي الصاج وحطية على الفرن وعلى نار هادئة خليها وشيك عليها لحد ما تتحمر من تحت واقلبيها برضوة على الجنب الثاني وبرضوة كل شوي شوفيها لحد ما تتحمر من دون ما تغطي الصاج لانة ممكن تنشف العجينة وتصير قاسية
وقطعيها مربعات وقدميها

وبالهناء والعافية


انا صراحة سويتها مرتين مرة كانت طريقتها اني قسمت العجينة اربع قسمات وكل وحدة فردتها ورققتها على حد حطيت وكل رقيقتين فوق بعض في صينية وبينها الحشوة و هذة الطريقة اخذتها من الأخت مزاج الله يجزاها خير
وحطيتها في الفرن بس ماضبطت نشفت العجينة وقسيت من دون ما يتغير لونها او تتحمر رغم انها جلست في الفرن وقت واضطريت احطها على الفرن من جديد عشان تتحمر

والمرة الثانية هذة اللي قلت لكم عليها بس من دون ما اسوي الاطراف طبقت الاربع فوق بعض وكانت اعرض شوي عن اللي تحت ما جاتني الفكرة الا لما بديت اكتب الطريقة

وبرضوة يمكن صاج المطبق تطلع فية احلى واسهل رغم اني ما اعرفة بس اسمع عنة
ولكن قد شفت في السوق صاج من دون جوانب اوحواف زي الصحن بيضبط فية

ياليت تجربوها و تردوا علي لي كيف طلعت معاكم ان شاءالله تعجبكم
سامحوني يا بنات ادري اني طولتها وهي قصيرة بس ما اعرف اكتب وانا اوصف الشيئ باختصار

مع السلامة
ب ب بااااااااااااي