مثل ما وعدتكم، اليوم راح اشرح لكم طريقة عمل اكسسواراتي.
أولا: الاغراض
خرز بأشكال وأحجام وألوان:
أنا استخدم أحجار كريمة وخرز عادي، وكريستال لان أشتريهم بالجملة عن طريق الانترنت من أمريكا لان هذي شغلتي، بس عادي بإمكانكم تشتروا من محلات الخياطة، عندهم اشيا حلوة وبإمكانكم تخلطوا الألوان لان أسهل.
سلك:
اخذ عادة سلك فضي لان السلك ما راح يبين بعد ما تحطون الخرز وأسهل لكم لان عادة ألوان القفل يكون فضي.
Cutter:
راح نحتاجه لما نقص السلك ونسكر القفل.
القفل:
في منه اشكال واحجام مختلفة، بس افضل يكون لونه فضي لان السلك فضي.
ثانيا الطريقة:
- ناخذ القياس، في المثال انا مسوية اسوارة، اخذت قياس ايدي. وتزيدي عليه الضعف لان اسهل بالشغل.
- بعدين حطي السلك مرتين مثل اللي في الصورة ودخلي حلقة القفل.
- اللحين صار عندي سلكين، حطي كم خرزة على السلكين مع بعض، انا حطيت 7 خرزات لان صغار وايد.
- بعد كذا، حطي خرزة خرزة في كل سلك لحالي مثل ما واضح بالصورة رقم 3.
- بعدين حطيت خرزتين اكبر شوي في السلكين مع بعض وبعدين الفراشة.
- بعدها حطيت الخرزة الوردية، مبينة في الصورة حمرا بس هي وردية.
- اللحين نعيد نفس الخطوات السابقة على الجهة الثانية من السلك. يعني بعد الخرزة الودية، حطي خرزتين صغار في السلكين مع بعض، بعدين كم خرزة على كل سلك لحاله.
- أخر شي تحطي القفل من الجهة الثانية.
ادعوا لي بالتوفيق :)