السلام عليكم ورحمة الله وبركاته
جايبتلكم اليوم طريقة البهارات الخليجية حبيت انقل لكم طريقتي بعمل البهارات وان شاء الله تنال إعجابكم
والكل يستفيد منها ويفيد ولا تنسونا من صالح الدعاء
وهذي مقادير البهارات اللي يبيلكم تجيبونها من أماكن المطاحن والبهارات J
1_ كيلو فلفل اسود
2_ نصف كيلو كسبره
3_ نصف كيلو كمون
وصوره ـ للكمون قبل الطحن
4_ ربع كيلو هيل .
5_ ربع كيلو دارسين
6_ ربع كيلو مسمار ( أعويدي )
7_ نصف كيلو كركم
8_ ربع كيلو جوزة الطيب
9_ ربع كيلو زنجبيل
10_ ربع كيلو عرق الهيل مطحون ..عذرا ماعندي له صوره
****.............................***
0000000000000000000000000000
الطريقه وانا اختكم :
نأخذ الفلفل الأسود والكسبرة والكمون وكل واحد لحاله ننقيه ونظفه ونغسله ثم ننشره تحت الشمس لين ينشف ويكون مغطى بغطاء خفيف جدا لسلامة من الحشرات والغبار .... ( وإذا أنت مستعجلة يالغاليه نشفيه بطريقتك )...
بعدها نحمر الكسبرة والكمون قليلا حتى يتغير لونه قليلا ثم نقوم بطحنهم مع الفلفل الأسود وخلطهم جميع...
نأخذ جوزة الطيب نكسرها ونطلع اللب اللي داخلها وندقها إلى إن تصبح حبيبات صغيرهـ ثم نضعها بالمطحانه ونطحنها حتى تصبح ناعمة ونضعها فوق مقادير البزار..
(القرض من تكسيرها قبل الطحن أنها قاسيه جدا )
والدارسين كذالك نطحنه ونضعه فوق البزار وعرق الهيل عبارة عن عيدان صغيرهـ نقوم بتكسيرها وطحنها ووضعها فوق البزار والكركم ندقه إلى أن يصبح حبيبات صغيرهـ نطحنه ونضعه فوق البزارثم نقوم بخلطه جيد إلى أن يتجانس ..
ملاحظه صغيره..(( تقدرون تجمعون كل الأغراض وتقومون بتنظيفها ثم ترسلونها للمطحنة تطحنه لكم وجيبونه جاهز وتكفيكم عناء طحنه المتعب ))
ودمتم بألف خير..
ما أحتاج ألا دعاء من قلب صادق
بس سؤال ماتطلع البهارات حاره لأني شايفه الفلفل الأسود كيلو؟؟ ولا انا غلطانه؟