طريقة عمل الحذاء ده0000

السلام عليكم ورحمة الله وبركاته
ازاى حبيباتى فى المنتدى
انا كنت نزلت هدية للراجية وهى عبارة عن حذاء وفى اخوات ليا طلبوا الطريقة واليكم الطريقة
دى صورة الحذاء بس بلون تانى
108946

108947
نبدا بسم الله الرحمن الرحيم
1-اعملى سلسلة على طول ال4 اصابع اللى فى الاخر لمشط القدم
2- اشتغلى بغرزة حشو حوالين داير السلسلة يعنى اعملى شكل بيضاوى مع مراعاة عدم تقوس الشغل فى اول 3 سطور يعنى ممكن توسعى فى الغرز لحد ما تتفرد معاكى
3-استمرى فى الشغل عادى لحد ما تخلصى السطر الخامس وبعد كدة اعملى غرزة الحشو من خلف الغرز اللى موجودة حتى تبرز السلسلة من الامام بمعنى اخر بدل ما تمشى على الغرز من فوق لا ادخلى فى الفتحة اللى جنبها على اليمين ثم ضعى الابرة على غرزة الحشو اللى فى السطر اللى قبله ثم ادخلى الابرة فى الفتحة اللى جنت الغرزة على اليسار واعملى لفة واسحبيها من الفتحة اليسار مرورا بالفتحة اليمنى هايبقى فى غرزتين على الابرة اقفليهم بواحدة وكررى لحد ما يخلص السطر
ملحوظة:اجعلى نهاية السطر فى اسفل الحذاء حتى لاتظهر قفلة السطر
4- اشتغلى5 سطور متتالية بغرزة الحشو العادية مع مراعات بدء عمل التقوس حتى ياخذ شكل مشط القدم وذلك بتقليل الغرز والقياس بين كل سطر والتانى حتى تصلى ل5 سطور اعملى الخطوة السابقة رقم 3يعنى هاتعملى الخطوة رقم 3 كل 5 سطور
5- اعملى نفس الحكاية فى باقى الحذاء حتى تصلى للطول المناسب لوجه القدم او لمنتصف القدم
6- عدى عدد الغرز فى اخر سطر وابداى بشغل الجوانب وذلك بانك تشتغلى السطر عادى ولكن تتركى 6 غرز من الامام لا تشتغليهم وترجعى تشتغلى رايح جاى على باقى الغرز وده علشان تعملى فتحة الساق يعنى هاتتركى ما بين الجانب الايمن والايسر للحذاء 6 غرز وتشتغلى غرزة حشو عادى ولا تعملى الخطوة رقم 3 فى الحالة دى
7- استمرى فى الشغل بغرزة الحشو لحد ما توصلى لطول القدم المناسب ليكى ثم اقلبى الشغل على الظهر واقفلى الجانبين مع بعض بغرزة منزلقة او ممكن تخيطيهم
8- بلون افتح شوية اعملى غرزة حشو حول فتحة الساق وبعدين اعملى فستونات فوق غرز الحشو يعنى بعد ما تخلصى الحشو حول فتحة الساق تدخلى فى اول غرزة حشوفى السطر التالى وتعملى غرزة منزلقة ثم ادخلى فى تانى غرزة حشو واعملى بريدة ثم ادخلى فى تالت غرزة حشو واعملى عامود بلفة ثم ادخلى فى رابع غرزة حشو واعملى بريدة ثم ادخلى فى خامس غرزة حشو واعملى غرزة منزلقة وكررى العملية دى لحد ما تخلصى السطر وتقفلى الشغل
ملحوظة ممكن تعملى عامودين بلفة بدل عامود واحد اذا حبيتى تكبرى الفستونة شوية
9- اعملى وردتين وخيطيهم على جانبي الحذاء
وبكدة تكونى انهيتى الشغل ويارب اكون قدرت اوصل المعلومة