*~* طريقة عمل الخل المنزلي *~* ... بسيطة جدا ... تفضلوا فديتكم

السلام عليكم
علومكم وأخباركم وش مسوين عساكم إلا بخير
يامرحبابكم والله
طبعا أنا آسفه جدا جدا على التأخير في طرح موضوع كيفية عمل الخل المنزلي
لأن السبب كان مني أنا إحم إحم لوووووووووووووووول :p
لأني دوم أنسى شو ذنبي التفكير مخلني أنسى أشياء كثيره المهم السموحه منكم
وخاصة البنات اللي وعدتهم قبل إني راح أكتب لكم الطريقه
والحين أوفي بوعدي
المهم ماراح أطول أبدأ

بسم الله الرحمن الرحيم

طبعا هناك نوعين من الحامض يوجد الليمون الأصفر ويوجد اللومي العادي الأخضر
وطبعا البعض يحب الليمون والبعض يحب اللومي .. واللومي هو اللي يجي صغير بالحجم ولونه أخضر وكل ماظل بالشجر يصير لونه أصفر لكن الأفضل إن اللومي يكون أخضر ومليان عصير بداخله .. وإذا تبغين الخل يكون ممتاز فأنا أنصحج باللومي الأخضر البلدي
فهمتوا يابنات .. هذي مش نصيحتي بروحي .. هذي نصيحة الوالده الله يخليها لي يارب ويخليلكم أمهاتكم إن شاء الله

المهم
تاخذين كمية كبيره من اللومي وتبدأين بالعصر .. وإعصري وإعصري على حسب الكميات اللي تريدينها مثلا كتجربه حاولي إنج تعصرين مقدار غرشه وحده .. الغرشة = البوتل ... فهمتوا يابنات .. بس قبل ماتحطين اللومي المعصور داخل الغرشه .. لازم تشخلين عصير اللومي من البذور وجذا .
وبعدين حطي كمية من الملح بش مش كمية كبيره .. يعني تقريبا ملعقتين أو ثلاث ملاعق
وبعدين إسكبي بالغرشه عصير اللومي وإحكمي إغلاقها جيدا
وخضي الغرشه خض ( يعني رجي الغرشه رج ) عساس ينخلط الملح مع اللومي
وتترك الغرشه في الخارج يعني على طاولة المطبخ لمدة إسبوع
الوالده قالت لي عادي تستعملينها من ثاني يوم
بس قالت كل ماإتخمرت وطالت المده كل ماكانت أفضل وأفضل

ودمتم سالمين
وصحة وهنا ياربي
وبالعافيه
يوم بتعصرون وتسون الخل تدعون لي .. ويوم بتتغدون وبتحطون الخل على الغدا إدعولي بعد
وعقب ماتخصلون من الغدا إدعولي .. ويوم بتتكلمون عن الخل جدام أهلكم إدعولي
أوكي
وإن شاء الله قدرت إني أوصل المعلومه عدل .. أي أسئلة أنا حاظرة
أوروفوار حبيباتي
:27: