اخاوتي الحبيبات .........
عمر بنتي 4 شهور واسبوع وابغى ابدا ااكلها شويا شويا....
فممكن تعطوني طريقة الللبن الزبادي اللي يتعمل بالبيت ..وهل اقدر اعطيها من زبادي المراعي ولا لا؟؟؟؟
وبالنسبه لفول الصويا ..متى ابدا اعطيها هوا لانه من كثر ماسمعت انه له فوائد كثيره..بس الله يعافيكم اعطوني الطريقه اللي اقدر اسويه بيها..وهل فول الصويا تجي حبوب على ماظن ولا لا؟؟؟
ولكم مني الف شكروالله يعطيكم العافيه :27: :27: :27: :27:
ام اصـايل @am_asayl_3
عضوة جديدة
يلزم عليك تسجيل الدخول أولًا لكتابة تعليق.
السلام عليكم ..
عزيزتي اصبري على بنتج اشوي إذا كنت اترضعينها رضاعة طبيعية ترى كلما رضعتيها رضاعة طبيعية وقت أكثر كلما زادت نسبة الذكاء عندها وبعدين حليب الأم متوفر فيه كافة احتياجات الطفل واذا بديتي تعطينها ماء أنصح بماء زمزم .. وحالياً يفضل إدخال الأطعمة للرضيع بعد السادس بحيث تبدين:
1. بالأرز أو الشوفان أو الذرة لأنه ما اتسبب تحسس للطفل.
2. وبعدها بالخضار مثل الكوسى والبطاطس والبطاطا الحلوة والقرع.
3. كذلك الفاكهة مثل التفاح والكمثرى والموز.
وأجلي الجزر والسبانخ للشهر السابع لأنها تحتوي على النترات وهي أي النترات تضر الطفل أما القمح ومنتجاته أجليهم للشهر الثامن لأنه يحتوي على الجلوتين اللي يسبب الحساسية للأطفال حسب ما قريت في بعض المواقع الأجنبية أنه الأفضل أيضاً تأجيل عصير البرتقال للشهر التاسع.
والزبادي بعد الأفضل انج اتأخرينه للسابع أو الثامن ..
وبعدين مو شطارة انه نحن نعطي الطفل أكل بسرعة .. الشطارة انج اتعرفين متى تعطينه وكيف تعطينه وشو تعطينه..
والسموحة أختي..
عزيزتي اصبري على بنتج اشوي إذا كنت اترضعينها رضاعة طبيعية ترى كلما رضعتيها رضاعة طبيعية وقت أكثر كلما زادت نسبة الذكاء عندها وبعدين حليب الأم متوفر فيه كافة احتياجات الطفل واذا بديتي تعطينها ماء أنصح بماء زمزم .. وحالياً يفضل إدخال الأطعمة للرضيع بعد السادس بحيث تبدين:
1. بالأرز أو الشوفان أو الذرة لأنه ما اتسبب تحسس للطفل.
2. وبعدها بالخضار مثل الكوسى والبطاطس والبطاطا الحلوة والقرع.
3. كذلك الفاكهة مثل التفاح والكمثرى والموز.
وأجلي الجزر والسبانخ للشهر السابع لأنها تحتوي على النترات وهي أي النترات تضر الطفل أما القمح ومنتجاته أجليهم للشهر الثامن لأنه يحتوي على الجلوتين اللي يسبب الحساسية للأطفال حسب ما قريت في بعض المواقع الأجنبية أنه الأفضل أيضاً تأجيل عصير البرتقال للشهر التاسع.
والزبادي بعد الأفضل انج اتأخرينه للسابع أو الثامن ..
وبعدين مو شطارة انه نحن نعطي الطفل أكل بسرعة .. الشطارة انج اتعرفين متى تعطينه وكيف تعطينه وشو تعطينه..
والسموحة أختي..
الصفحة الأخيرة
ولاوحده تقدر تفيدني.....ماتوقعتها بصراحه خيبتو ظني كثييييييييييييييييييييييييييير..وياريت اللي تعرف لاتبخل علي بالمعلومه عشان لو يوم احتاجت تلاقي احد يرد عليها....
وجزاكم الله خير :27: :27: :27: :27: