: السلام عليكم ورحمة الله وبركاته
اشلونكم اخواتي انا عضوة جديده واتمنى ان تقبلوني لديكم بس عندي طلب بسيط
ويا ريت تلبونه لي
وهو طبق حلو اكلت كذا مرة من مطاعم وكان اسمه معكرونة الشومين والله كان طبق حلو ولذيذ مرة بس انا الحين ابي اعمله بس للاسف ما اعرف طريقة عمله واللي لديهااي فكره عنه او طريقة عمله لا يبخل علينا فيه واكون شاكره لكم
:angry:
شعاع الندى @shaaaaa_alnd
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
وتفضلي الطبق وطبعا منقول
--------------------------------------------------------------------------------
بنااااااااااااااات جربتوا الأكل الصيني انزين وش رايكم بالشومين تفضلوا
شوفوا الشومين اكله لذييييييييييذه وحلوه وصحيه بعد معروف عن اليابانين والصينين والفلبينين انهم دايماُ اصحاب بشرات وصحه وشعر يجنن والسر بأكلهم
تعالوا نشوف اكله من اكلاتهم معاي
وهو طبق الشومييييييييييييين
الشومين او الشومن
واي استفسار عن اية اكله صينيه انا حاضره من عيوني ;)
المقادير :
- كيس معكرونه اسباغتي رفيعه وطويله .
- ملعقه أكل بقدونس مفروم + مكعب زبده صغير يعني حوال ملعقة اكل وحده .
- دجاجه وحده بدون عظم ندقها بالمطرقه الخاصه للحم حتى تنفرد معانا
ومن ثم نقطعها شرحات طويله ورفيعه .
- ربيان حوالي كأسه وحده مثلج حجم صغير جداُ .
- لحم قد حجم الكف بتلوا روحوا عن الجزار وقولوا له لحم بتلوا وهو بيعطيكم
هو جزء من اجزاء الذبيحه لحمها طري ويطبخ بسرعه تستعمل اكثر شي
للتكه والكباب ناخذها وندقها بمطرقه خاصه للحم حتى تصير كبيره مو وايد
المهم ما تكون سميكه ونقطعها شرايح طويله ورفيعه .
- اربع حبات جزر مقشره ومقطعه اصابع رفيعه مثل البطاطا بس هم ارفع
مو بالبشاره تبشرونه لا نبيها اسمك من البشاره .
- فليفله حلوه وحده متوسطه ومقطعه اصابع طويله ورفيعه .
- ملفوف مقطع طولي رفيع طول الاصبع كل الخضار يكون طولها جي حوالي
كأسين مالت الماي .
- زيت للقلي والطبخ حوالي فنجان قهوه - ملعقة صغيره صوص الصويا
- بالجمعيات بتلاقونها - ملح - نصف ملعقه صغيره فلفل اسود - رشة بهار .
- ثوم رأسان مقطعات فرم صغير .
الطريقه :
نسلق المعكرونه بالطريقه التقليديه ولما نحطها بالماي نكسرها نصفين
وبعد سلقها وتصفيتها من الماء نرجعها للقدر مع أضافة ملعقة البقدونس
+ مكعب صغير من الزبده ونحركهم جيداُ ونتركهم جانباُ .
طريقة الخضار مع اللحم :
الأن نحضر طاسه عميقه مثل المقلاه بس عميقه ممالت اليابانين لو عرفتوها
احلى انا استخدمها اوكي ونضع فيها زيت حوالي ملعقتين صغار ونضع الثوم ونحركه جيداُ للعدة ثواني ثم نضع الربيان بعد تنظيفه طبعاُ ونحركه قليلاُ + رشة ملح + رشة بهار صغيره + رشة فلفل اسود صغيره رشه مو ملعقه فهمتوا ونحركهم لمدة 5 دقائق إلى 10 دقايق تكون استوت نرفعها ونسكبها على المعكرونه .
ثم نرجع ونضع الزيت بنفس الكميه ونضه هالمره الدجاج ونحركه عدل لين ينشف الماي ماله ونضع بعدها الملح ورشة الفلفل والبهار ونحركه مدة عشر دقايق ونتذوق وحده اذا استوى نرفعه واذا احتاج نرجعه دقيقتين بعد اوكيه اللحين نرفعه عن النار ونسكبه فوق المعكرونه .
وبنفس الطريقه اللحم تمام .
والخضار نفس الشي نضع الزيت قليل مع الجزر ونحركه لمدة اربع إلى خمس دقايق وبعدها نحط فوقهم الفلفل ونحركه هم مع بعض لمدة ثلاث دقايق وبعدها الملفوف هم لمدة خمس دقايق ونضيف الملح رشه + بهار رشه + فلفل اسود رشه + صوص الصويا الباقي ونحركهم عدل لازم الخضار ما تذبل وايد اشوي بس تمام ونرفعها عن النار ونضيفها للمعكرونه ونحركهم عدل مع بعض ونتركهم على النار هادئه لمدة اربع إلى خمس دقائق .
تقدم وتأكل بالهنا عليكم