طريقة عمل اللازانيا اللذيذه

أول حاجه عجينه اللازانيا لازم تكون نوع جيد عشان تضبط معاك زي بيتوني أنا مجربتها وزبطت معايه أكثر من فرشلي وهذي صورتها 497697
تدهني كل شريحه من اللازانيا بشوية زيت عشان ماتلزق في القدر وبعدين تحطيها بقدر وسيع عشان ماتمسك في بعض وتخرب وتصبي عليها مويه حاره وتحطيها ع النار ولاتسيبها أبدا قلبيها بملعقه خشبيه وإذا لزقت في بعض فككيها لين ماتستوي تصير تقريبا نفس إستواء المكرونه بس انتبهي تخليها تطول عشان ماتتقطع المهم بعدما تطفين عليها ع طول كبي مويتها وصبي عليها مويه بارده وانشريها في صحن كل وحده لحالها وغسلي اللحمه المفرومه واسلقيها لين ماتستوي بعدين كشني ببصل وثوم وقلبي اللحمه في الكشنه وقطعي عليها فلفل رومي وطماط قطع صغيره وحطيها ع اللحمه وافرمي شبث بالسكين وكزبره وحطي عليها وحطي الملح والبهارات وقلبيها تمام واطفي عليها وبعدين سوي بشاميل سوي حليب عادي وخليها ع النار يغلي وجيبي فرانة البصل وحطي فيها أربع ملاعق دقيق أبيض وفنجانين مويه وشغلي الجهاز وبعدين صبي الخليط فوق الحليب المغلي لين ماتصير ثقيله شوي وبعدين حطي عليها ملعقتين جبنه سائله واطفي النار وحركيها لين ماتذوب الجبنه جيبي صينية بايركس وحطي ملعقتين بشاميل ومدديها بالملعقه لين ماتغطي الصينيه وبعدين حطي طبقة لازانيا وحطي نص اللحمه المفرومه وبعدين حطي جبنة موزاريلا وبعدين حطي كمان طبقة لازانيا وحطي بشاميل بس كثري يعني غطي اللازانياتمام وحطي جبنه موزاريلا بعدين حطي نص اللحمه الباقي وحطي طبقه أخيره من اللازانيا وصبي باقي البشاميل ورشيها بجبنة موزاريلا ودخليها الفرن وشغلي عليها من فوق لين ماتتحمر وبالعافيه