عزيزتي
اللبن موجود في الوول مارت و غيره
و اسمه Butter milk

طريقة الوالدة في تحضير اللبن واللبن الزبادي واللبنة..

لما يجيك الحليب طازج تغلينه بعدين تخلينه شوي لين يصير فاتر... بعدها تحطين عليه 3-4 ملاعق زبادي ولو كثرتي ما تفرق..وتخلطينها معاه لين يتجانس..تغطين القدر و تغطينه ببطانية ثقيلة وبعدين كيس أو سفرة وتخلينه يخمر بالصيف 5 ساعات تقريباً لين تدخلين فيه الملعقة وتحسين إنه صار جامد.. طبعاً هو ما بيصير جامد مرة زي الجاهز..

لا تحطين الترويبة(الزبادي) والحليب حار مررة بعدين يفرط معاك..

عموماً لو حابة اللبن يطلع حامض ضيفي الترويبة وهو أكثر دفأ.. ولو تحبينه حلو ضيفي الترويبة وهو أقل دفأ..

بعدين لما يجمد معاك اللبن الزبادي دخليه الثلاجة لين يبرد زيييين مرررررة

طبعاً الناس اللي دايم يسوون اللبن يصير عندهم خضاضة خاصة للبن تحطين فيها الزبادي اللي سويتيه ولو كان ثقيل زيديه موية شوي..

وخليها تخضه إلين تطلع الزبدة.. ممكن نص ساعة إلي ساعة..

تدخلينه الثلاجة يبرد عشان تقدرين تجمعين الزبدة..

مو دايم اللبن يطلع زبدة واعملي حسابك لو كشطتي القشطة من الحليب أول ما غليتيه ما راح يطلع زبدة بعدين لكن لو خليتيها بيطلع منه زبدة..

بالنسبة للبنة

تجيبين اللبن الزبادي وتحطين عليه ملح وتحطينه بغترة أو قماش خفيف وتربطينه بقوة وتعلقينه في مكان فيه تهوية بدون شمس وتخلينها يومين تقريباً لين تنزل مويتها..

طبعاً عشان تضبط معاك لازم يكون الجو جاف ما فيه رطوبة..

وبالعافية!

:26:

وااااااااااااو لبن يااني اشتقت له

وينكم من اول :06:

شكرا لك