طريقة عمل الهريس بطنجرة الضغط .....

افاااا يا بنات والله ما هجيتها منكم
وانا اللي اشتركت بسبب تعاونكم مع بعض !


ليش بس تزعلوني منكم :44:

هلا اختي غزوه
بصراحه الهريس مايصلح بطنجرة الضغط لان يحتاج لتحريك كل شوي
تقدرين تستخدمينه لسلق اللحم والدجاج

إختي غزوة صح الهريس ما ينفع في قدر الضغط ..
بس تقدرين تسلقين فيه اللحوم والبقوليات مثل الحمص والفول ....ألخ
أو تطبخين فيه الكوارع إذا تحبينه ..

ليش ما ينفع بالعكس ينفع ونص
انتي حطي القياسات اللي تستخدمينها بعدين يوم بيستوي خذي من الماي مال الهريس ويوم بتظربينها تمي زيدي ماي
لين ما توصلين لليونه اللي تبينها
وبس

شوفي يا اختي هذي الطريقه الاصليه لعمل الهريس
اولا جهزي اللحم الي تبغينه ويكون مغسول زين وجهزي الحب الهريس ويكون مغسول زين
الحين حطي اللحم يطبخ في جدر الضغط مع الماء واتكون كمية الماي اتغطي اللحم لمدة نص ساعه وبعدين سكري النار وانتظري لين يطلع البخار من الجدر ثم فتحيه وضيفي الحب للحم ورجعيه على النار وخليه لمدة ساعه والافضل انج تحطين تاوه تحت الجدر عشان ما يحترق الحب
بعدين سكري الناروانتظري البخار لما يطلع كامل من الصفاره وبعدين فتحيه
ملاحظه لا تشيلين الصفاره والبخار يطلع لان الماي مال الهريس راح يطلع مع البخار وراح تتلقلقين وتخسرين الماي
الحين شيلي اللحم مع الحب وحطيه بجدر الهريس العادي واضيفي الملح الي تبينه وخليه على الرسايه والنار خفيفه لمدة ساعه بعد حتي يهتري اللحم مع الحب
وبعدين ضربيه بالمضرب العادي او الكهرباء وبالعافيه
ملاحظه لا تستخدمين ماي الحنفيه في طبخ اللحم او الحب او حتى البقوليات دائما استعملي ما الشرب