طريقة عمل خلية النحل بالصور طريه وتذوب بالفم

السلام عليكم ورحمة الله وبركاته

طبعا سبق ونزلت موضوع وش الاكله اللتي تضبط معك والاكله اللي ماتضبطينها

وذكرت اني اكثر شغله تضبط معي الخليه وكل من ذاقها سالني عن طريقتها

فحبيت اشارككم بالطريقه ياحلوات

طيب نبدا بالعجين
ملاحضه استخدمو الاكواب المعياريه او اكواب الجبنه

6كاسات دقيق كويتي
6ملاعق حليب بودره
ملعقه كبيره ونصف خميره
ملعقه كبيره بكنج بودر
ملح (ماعرف المقياس بالظبط لان انا اكب واعرف بس تقريبا ملعقه كبيره)
3ملاعق كبيره سكر
نصف كوب زيت
3اكواب الا ربع مويه

الطريقه:
نحط المويه والزيت والخميره والحليب والسكر في الخلاط ونخليها ربع ساعه
ثم نخلط في وعاء الدقيق والبكنج بودر والملح ونحفر في الوسط حفره نحط فيها السوايل ونعجنها
وبعدين نغطيها بنايلون حتى تختمروهذا شكلها بعد ماختمرت



ونبدا ناخذ قطعه صغيره من العجينه واذا حسيتيها لينه افضل حطي بيدك زيت وفرديها بيدك وحطي فيها قطعه جبنه كيري اومثلثات المراعي وحاولي انك تقفلينها تلملمينها على بعض وترصينها في صاج مايلصق دايري وتصير بالشكل هذا لماتخلص:09:



ثم تدهنين وجهها بالبيض ثم نرش عليه حبه سوداء وبعدين تدخل الفرن من تحت الين تتحمر وتنتفخ تتلاصق الكور ببعضها ونشغل عليها من فوق الين تتحمر ونرش وجهها بالشيره





طبعا لماتطلعينها من الفرن بتحسين وجهها قاسي شوي خليها لاتغطينها ولاشي مجرد ماتبرد شوي بتلييييين تصير زي القطنه صراحه انا امووون فيها روعه تذوب بالفم جربوها صدقوني حتدمنو عليها

اتمنى تكون عجبتكم