السلام عليكم والرحمة
اشحالكن خواتيه الغاليات؟؟
بصراحة كثر ما أشكر في هالمنتدى على كثر ما علمني.. بكون ما سويت شي..
فاليوم حبيت أكتب لكم طريقة بسيييييييطة اتبعها عشان أسوي رغوة للكابتشينو...
بدال ما تقعدين تخلطين في الكوب.. وتعورين ايدج...
هاتي غرشة ماي صغيرة فاضية..
حطي فيها المقادير وخضي على كيف كيفج...
وعقب صبي من هالخلطة في كل كوب..
واتبعي طريقتج التقليدية.. إما تزيدين عليها ماي أو حليب...
بخبركم عن كابتشينو من اختراع أختي الغالية Romanove
ناخذ غرشة ماي..
نحط فيها خاشوقة نسكافيه + خاشوقتين سكر أو حسب ما تحبين + حليب رينبو ربع علبة تقريبا... (الخاشوقة هي الملعقة...)
نخض الغرشة لين تثقل الخلطة وتصير فيها رغوة كثيفة
نغلي ماي على النار أو حليب... حسب الرغبة...
بس عشان ما تكون وايد دسمة... حطي ماي على النار خليها تغلي
هاتي خاشوقة نوتيلا البندق وحطي في الكوب... (المج.. اللي هو الكوب الكبير)
صبي شوي من الماي المغلي وخلي النوتيلا يذوب ويصير سايل
حطي خلطة النكسافيه اللي في الغرشة على النوتيلا بعد ما ذاب
قلبي المقادير
زيدي الماي الحار لين فوق
رشي السطح بالنسكافيه + شوية سكر
يعني بالمختصر المفيد... هذي الخطوات
انتي حطي خاشوقة النوتيلا في الكوب الفاضي
صبي عليه شوي من الماي المغلي وحركيه لين يذوب ويصير سايل
عقب حطي خلطة النسكافيه اللي في الغرشة
حركي المقادير
صبي عليهم الماي الحار لييين فوق
واخلطي عدل
وأتمنى كل وحدة تجربها تدعي لي وتدعي لختيه رومانوف
وكل وحدة تكتب رايها ولا عليها أمارة... :)
أختكم... shweegy
shweegy @shweegy
عضوة فعالة
يلزم عليك تسجيل الدخول أولًا لكتابة تعليق.
دار الاركان
•
مشكوررررررره ياقلبي على الطريقه السهله
الصفحة الأخيرة