السلام عليكم ورحمة الله وبركاته
مسائكم\صباحكم ورد
طبعااهدي هالموضوع للاخت الغاليه \الراســــــيـــــــــه
المهم ياحلوين انه الشاورما كثير احاول اسويه بس مايطل طعمها نفس الي بالسوق وجبت تتبيلتهاالخاصه ونفس الشي :p
وطحت لكم على الوصفه والله نفس طعم المطعم ورهيببببببببببببه المهم الحين اخليكم مع المقادير والطريقه والصور
:32::cook:
المقادير
8صدور دجاج خليه من الجلد والعظام وممكن دجاجه انتم تسلخونها من عظمها وجلدها بس انااختصار وتوفير للجهد والوقت استخدم صدور
فنجال عصير ليمون
ونفس المقدار خل ابيض
ملح وفلفل اسود حبه وحده جوز الطيب مطحونه
8حبات ثوم مدقوق مع الملح
وفجنال ونص زيت زيتون او اي زيت نباتي
نغسل الصدور وثم نقطعها مكعبات متوسطه اوصغيره وبعدين نضعها في صينه ونكون داقين الثوم وياه الملح ونضيف على الدجاج ونضيف عليه الفلفل الاسود وجوز الطيب والخل والليمون ونقلبهم عدل مدل وبعدين ندخلها للثلاجه يوم كامل عشان تتبل وهنا السر في الطعم طبعا
وهنا صورتها
بعدين ثاني يوم نطلعها ونضيف عليها فنجال ونص زيت زيتون او النباتي
طبعا بعدين نقلبها عدل قبل ماندخلها للفرن ويصير هيك
وبعدين نأخذها ونقصدرها وندخلهاالفرن ويكون شغال من تحت بس
ونتركها لمدة ساعه بالضبط بعدين نطلعها من الفرن ونشيل منها القصدير وبيكون هيك شكلها
بعدين نرجعها ثاني للفرن بس نشغل الفرن من فوق وتحت ونخليها تقريبا ربع او نص ساعه لين تحمر وتصير مثل الي بالصوره
وبعدين جبت خبز ودهنت فيه ماوينز من المطعم شاريته عشان يصير طعمه مثل المطاعم وبعدين حطيت البطاطس والدجاج
طبعا مكن تحطون مخلل او كاتشب او سلطه بس انا مااحب وكنت ميته جوع لاني مااكلت من الصبح فسويته بسرعه
وهيك شكله
طبعااسحمو لي الصحن مو مرتب لاني كنت خلاص طايحه جوع وعلى طول سويته سريع وصورته بسرعه وهاتك يااكل هههههههههههههههه حتى ماقدرت اخلصه ابوي يقول الي يشوفك وانتي تقولي جوعانه يتوقع بتخلصين الصينيه مو ماقدرتي تكملي الشاندويش ههههههههههه
وبس هيك الشاورما وعلى فكره كثير اخذو الطريقه وجربوها واستغنو على شاورمت السوق مثلنا:ccc:
اتمنى يكون حاز على اعجابكم:m1:
وطبعا الله الله في الردود لاني تعبت اصور واعده لكم وانتم تستاهلو
انتظروني في عشاء قادم ان شاءالله
اعداد وتقديم واخراج وتصوير <<<<<<<<مصدقه عمرها:hahaha:
&فتاة المستحيل&