السلالالالام على أحلى بنوتات
طبعا زي ما شفتوا العنوان كان عن طريقة عمل صلصة الطماطم
اعرف بتقولون علبة الصلصة كلها بريال أو ريالين
بس يا بنات زي ما انتم عارفين ان المواد الحافظة و الملونات صارت تدخل في كل
شيء في أكلنا و شربنا حتى الأشياء البسيطة و تعرفون ضررها على صحة الإنسان
وما دام اننا نقدر نستغني عن بعض المواد المليانه بهالضرر كله ليه لا
المهم الطريقة هذي انا اخذتها من جارتي الأفغانية من زمان و فادتني كثير
و صار لي عليها سنوات و قلت لازم اقلكم عليها ان شاء الله تستفيدون
الطريقة جدا سهلة هاتي كم بندورة ( طماطم ) و اطحنيها في الطحانه بدون اضافة ماء
حتى تنطحن تمام و بعدين هاتي قدر تيفال و حطيه على النار و حطي عليه البندورة
وقلبيها بملعقة خشبية راح تلاحظين ظهور ماء في القدر استمري في التقليب حتى
تختفي الماء تماما العملية ما راح تاخذ غير دقايق
بعدها تلاحظين ان البندورة بدأت تثقل و تختفي المياه من القدر اذا ثقل الخليط
خلاص صارت الصلصة جاهزة هاتي علبة و حطيها فيها و اتركيها تبرد في البراد
انا اضيف لها اضافات كثيرة احيانا احط معاها فلفل حار تطلع صلصة حارة
اذا حطيتها في الأكل تعطيه حرارة بسيطه
و في الغالب احط معاها ثوم وقت الفرم و تصير صلصة بالثوم و تريحني كثير أحسن من
تقشير الثوم كل مرة اطبخ فيها
يعني تقدرين تخلين عندك اكثر من علبة في الثلاجة كل علبة بنكهة
كمان هذي الطريقة جدا رائعة اذا كان عندك كمية كبيرة من البندورة و مستوية و تخافين
تخرب في الثلاجة لإن تجهيزها جدا سهل و ما ياخذ وقت
تقدرين تحضرين كميات كبيرة و تحفظينها في الفريزر راح تحتفظ بنفس النكهة و الجودة
ملاحظة : اختاري الندورة الحمراء المستويه و ابتعدي عن البندورة المايله للأصفرار
يا ليت تستفيدن من الموضوع جربوها وعطوني رايكم
