http://forum.hawaaworld.com/showthread.php?t=1304742
طريقة عمل عجينة الفوندان بالمارشيميلو
المقادير :
مارشيميلو
هاتلاقوه في بندة او كارفور
في منه الوان اختاروا اللي يناسبكم
معلقة مايا
سكر بودرة ناعم و منخول
مسحة سمنة او زبدة
مافيش مقادير محددة عشان كل واحدة هاتعمل حسب الكمية المطلوبة و هاتفضل تعجن و تزود لحد ما تتظبط العجينة في ايدها هي
الطريقة بقى
تمسح وعاء بالسمنة او الزبدة و تحطي كمية المارشيميلو اللي عندك و عليهم معلقة المايا
و تدخلي الوعاء في المايكروويف لمدة 30 ثانية
تطلعيه و تقلبي و تكرري العملية لحد ما يبقى شكل الماشيميلو كده
هاتبدأي تضيفي السكر البودرة و تقلبي بمعلقة ممسوحة بالسمنة لحد ما تتكون عندك عجينة
هاتمسحي الرخامة بتاعتك بسمنة و ترشيها بسكر بوردة و تنزلي عليها العجينة اللي بدأت تتماسك شوية
و تدهني ايدك كلها سمنة معلش استحملي احساس مش لطيف انا عارفه بس لاجل الورد
المهم هاتبدأي تعجني بايدك بقى و تضيفي سكر بودرة حسب الحاجه لحد ما تتكون عجينة متماسكة تماما و مش بتلزق خالص
بالشكل دا
لو عاوزة تلونيها يبقى هاتستخدمي الوان طعام باللون اللي تحبيه و تعجني تاني لحد ما اللون يغلف العجينة تماما
في الاسواق هاتلاقي الوان احمر و اخضر و اصفر ممكن تخلطي لونين على بعض عشان يطلع لون جديد
بعد كده تفرديها بالنشابة و تكوني واخدة قياسات التورتة اللي هاتغليفيها
القطر و الاجانب عشان تفردي العجينة اكبر من التورتة عشان تغطيها كلها بالجوانب
طبعا عشان الفوندان يثبت على التورتة تكون مسحاها بشوية مربي صغيرين جدا او بكريمة الزبدة
لو مش هاتستعملي العجينة في ساعتها ممكن تمسحي عليها بشوية سمنة بسيطة و تغليفيها بالورق النايلون و تحطيها في التلاجة لوقت الحاجة
منقول:p
