اليوم رح نتعلم غرزة بالتريكو تصلح ينعمل منها بطانية ...... وإن شاء الله اقدر اشرح بطريقة منيحة وبتمنى الكل يستفيد مني
الغرزة مابعرف شو اسمها تعلمتها من أمي وعملت منها بطانية وهي صور البطانية
وأنا عملت عنية وهي شكل الغرزة من قريب
باسم الله نبدأ ....
نبدأ 25 غرزة ونشتغل أول دور عدل كله كبداية ... طبعاً هاي الرسمة تعتمد انه يكون بأول السطر وبأخره نصف رسمه يعني ماتزبط أنه يكون كلهم رسمات كامله ... لأنه رح يتعاكسوا مع الرسمات التانية بتمنى تكون الفكرة وصلت
أول سطر :بنشتغل 1 عدل وبنلف لفة وبعدها ناخد غرزتين مع بعض ... بس بناخدهم من تحت
بعدها بنشتغل 7 مقلوب ... بعدها بنشتغل غرزتين مع بعض بس بناخدهم من فوق وبعدها لفة وبعدها غرزة عدل بعدها نعمل لفة وناخد غرزتين مع بعض من تحت وبعدها 7 مقلوب وبعدها غرزتين مع بعض من فوق ونعمل لفة وبعدها غرزة عدل وهيك بيكون خلص أول سطر
ورح ناخد قاعدة وهي أنه مرة ناخد غرزتين من فوق ومرة من تحت يعني مابيجي أنه ناخد مرتين متل بعض هيك مابنعود نخربط
وقاعدة تانية بتساعدنا اكتر وهي لما بتكون اللفة قبل ماناخد الغرز بيكون من تحت
ولما بتكون بعد ماناخد الغرز بتكون من فوق
وهي طريقة أخد الغرز من تحت
وهي من فوق ...
السطر التاني ... بنشتغل 3 مقلوب بمافيهم اللفة وبعدها 7 عدل وبعدها 5 مقلوب بمافيها اللفتين ... 7 عدل ... 3 مقلوب
السطر التالت ..... بنشتغل 2 عدل ... بيبقى غرزة عدل بنعمل لفة و بناخدها مع غرزة مقلوب من الغرزات 7 من تحت ... 5مقلوب بيبقى غرزة مقلوب من الغرزات السبعة بناخدها مع أول غرزة عدل من الغرزات العدل من فوق بنعمل لفة 3 عدل بيبقى غرزة عدل بنعمل لفة وناخدها مع أول غرزة مقلوب من الغرزات السبعة من تحت ...بعدها 5 مقلوب ... بيبقى غرزة مقلوب بناخدها مع أول غرزة عدل بنعمل لفة وبعدها 2 عدل
السطر الرابع بنشتغل 4 مقلوب بمافيها اللفة ...5 عدل ..7 مقلوب بما فيها اللفتين ...5عدل 4 مقلوب بما فيها اللفة
وبنكرر نفس الشي وكل مرة بينقص المقلوب غرزتين وبيزيد العدل غرزتين لحد مايصير المقلوب غرزة والعدل 11 الرسمة الكاملة والنص بيصير 6غرز يعني بنكرر السطرين مرتين
وهي الصورة بعد مانكمل وبتمنى يكون الشرح واضح لأني مابعرف زيادة اشرح
وبيبقى سطر الرسمة هاد رح اتركه لبكرا ان شاء الله
انتظروني بكرا ان شاء الله وتصبحوا على خير
يتبع .....
تسلم ايديكي والشرح جميل وواضح جدا
هو صحيح فيه مسميات تانيه عن طريقتي في الشغل او طريقه الباترونات بس صح جدا ونتيجتها صح