قبل فترة اجاني ضيوف وكنت محتارة شو اعمللهم وكنت بدي شغلة سريعه لانه ما كان معي وقت واتزكرت انه عندي اغراض الكنافه بس كان ينقصني الفستق الحلبي وهي المقادير والطريقة للكنافه السريعه:
المقادير:
-ثلاث اكواب حليب سائل بدون سكر
-اربع ملاعق كبار مليانات نشا
-سمنة او زبدة تقريبا الزبدة القالب الكبير
-علبتين قشطة
-ماء زهر ثلث كوب
-شعر كنافة
-قطر
- فستق للتزيين
الطريقة:
او شيء نحضر القطر حتى يكون جاهز وانا طريقتي باضافة اربع اكواب سكر مع كوبين ونص ماء وملعة صغيرة عصرة ليمون وبخليهم يغلو ويعقدو بنضيف ماء الزهر وممكن تزيديه حسب رغبتك.
نحضر الحشوة وهي القشطة وذلك بوضع الثلاث اكواب حليب والنشا على الطنجرة ونحركهم ثم على النار ونحرك باستمرار حتى يجمد ويتماسك ويغليييييي.
مجرد ما غلو بنضيف عليهم علبتين القشدة وهيك صارت الحشوة جاهزة
بنحتاج الى صينية بنضيف الها قسم من السمنة او الزبدة الذائبة وبنحط قسم من شعر الكنافه
وبعدين بنفرد القشطة
وبنحط الجزء التاني من الكنافة
بندير السمنة او الزبدة فوقهم
وعلى النار من تحت لحتى تتحمر من تحت وراح تلاحظي انه وجهها اتحمر شوي بس تتحمر من تحت بفحصها عن طريق رفع طرفها بتكون جهزت من تحت اضوي النار من فوق وحمريها
جربوها زاكيييييه خاصة وهي سخنه وكمان تاااااااني يوووووووم:
صحتييييييييييييين