السلام عليكم ورحمة الله تعالى وبركاته
النهارده هنعمل كيكة سبونج بوب بعجينة الفوندان
أصلا بنبقى عملين الكيكة وحشيناها وغلفناها بالـ كريمة الزبدة
الكيكة بتكون حوالي 23سم في 33سم
بنجيب العجينة الصفراء ونفردها على شكل مستطيل وبعدين بنحطها ع الكيكة عشان بتكون الأساس اللي بنشتغل عليه وطبعاً البشرة
وبنحاوي نظبط الجناب ونق الزيادة بالسكينة او البتاعة اللي بتقطع دي اللي عمله زي الرول أوي بأي اجة بتقطع
وبعدين بناخد تقريباً كده تلت الكيكة ونغلفها بالعجينة البضاء بنفس الطريقة ونلزقها ع الأساس بتاعنا بالميه علشان تبقى قميص سوبنج بوب
وهنسيب مسفة منها قد صوبعين او حوالي 2سم ونحط العجينة البني او الشوكلاته وبنفس الطريقة نلزقها ونحطها علشان تبقى البنطلون
واللياقة بتبقى مثلثين قد بعض بالعجينة البيضاء
والبيبيونة او الجراقته على شكل فيونكة ونحاول نراعي كويس النسبة والتناسب
وبعدين للعيون بنقص عجينة بيضاء على شكل دايرة وبعدين نظبتها بحيث إنها تبقى مطولية كده حبتين
وطبعاً دي مفيهاش قياسات عشان دي بتبقى نسبة وتناسب
ونقص بنفس الشكل بالعجينة الخضرا بس أصغر منه في الحجم عشان تبقى لون العين للاسبونج
وأصغر منه عشان تبقى النني الإسود
وكل ده بيتلزق بالميه
ونرسم الرموش بالقلم
ونعمل للفم عجينة سوداء على شكل هلال مع مراعاة النسبة والتناسب
واللسان نعمل بالعجينة الحمراء مثل شكل تنية اللسان
ونقص مستطيلين صغار عشان الأسنان بالعجينة البيضاء
ونحاول نعمل تنية الخد كورتين متبططين بالعجينة الصفراء
ونعمل نقط حمرا فيها
وللأنف نحاول نعملها بنفس طريقة تنية الخد ولكن طويل مثل أنف سبونج بوب بالعجينة الصفراء
ونلزقها بالميه
نعمل للرجل نفس شكل الأنف ولكن أطول بنثبتها بالميه ولكن للتثبيت أكتر بنضيفلها خشبة تنظيف ما بين الاسنان لتكون رابطاً بين الجسم والرجل
ونعمل شراب بالعجينة البيضاء
ونعمل شرايط لأول الشراب من فوق زي الخط واحد أخضر وواحد أحمر
وللشوز نعمل كورتين نفس المقاس بالعجينة البني وبعدين نخليها من حته رفيعة بزاوية زي البوز وبثبتها بالميه
وبنفس الطريقة نعمل اليد ونلزقها بالميه والجهة الملزوقة نعملها زاوية وبنفس العجينة نعمل الكف وننفخها شوية من تحت ونفرق بين كل صباع والتاني بالسكينة ونظبط الصوابع أنها بتكون مدورة مـ الآخر ونلزقها فـ الذراع
ونلبس في الإيد الأولى غويشة أو حظاظة خضرا والتانية حمرا
وكده بنكون خلصنا الكيكة
وكدة ورينالكوا طريقة عمل كيكة سبونج بوب
ويا رب تجربوها وتعجبكوا
مـــــنقـول
لمشاهدة الفيديو
الصورة الأولى تجربتي ليها
الصورة التانية تجربة صحبتي ليها
الصورة التالتة صورة من الفيديو
mdam 012 @mdam_012
عضوة جديدة
يلزم عليك تسجيل الدخول أولًا لكتابة تعليق.
mdam 012
•
إنتو فـــــــــــــــــيـــــــــــــــــــــن يا بنات
دبة كيوت
•
وعليكم السلام ورحمة الله وبركاته
تجررربتك تجننننن ما شاء الله النتيجة جدآ رائعة سلمت يداك ياقمر :26:
صاحبتك تمام عليها إنها حاولت بس يبغالها شوي ممارسة :22:
تجررربتك تجننننن ما شاء الله النتيجة جدآ رائعة سلمت يداك ياقمر :26:
صاحبتك تمام عليها إنها حاولت بس يبغالها شوي ممارسة :22:
الصفحة الأخيرة