انا من مده عملت مريلة مطبخ لبنتى
ومحتفظة بها على الجهاز
وحبيت انزلها لكم ان شاء الله الكل يستفيد بها
سلمى أقصد مامتى2007
بسم الله أبدأكلامى معاكم
أخواتى وبناتى عايازكم تشاركونى فى عمل مريلة للمطبخ واتمنى انها تعجبكم وتنفذوها معايا
بالرغم أن السوق ملىء بالأشياء دى إلا أن الشىء الذى تصنعيه بنفسك له حلاوته الخاصة
وكلامى ده هتحس بيه اللى بتعمل شىء لنفسها..
المريلة بسيطه وحلوة ولو كنتى حتى معندكيش فكرة
فى الخياطة تعالى معايا الموضوع أسهل مماتتخيلى
علشان أعمل مريله طبعا كل أخت تعمل مقاسها مطلوب تقصى 5 مربعات من القماش
اللى هتعملى منه المريله ضلع كل مربع يساوى10 أو 12 سنتيمتر
قصى قطعة قماش على هيئة شبه منحرف بمعنى الاول قصى مربع ضلعه 25 سنتيمتر
أثنى المربع بالتساوى على بعضه وقصى من اسفله
ضلعى المربه حوالى 3 سنتيمتر حتى يصير شكله على هيئة شبه المنحرف وده هتكون صدر المريله
زى كده
ويكون شكل صدر المريله وهى مفروده وهلاحظ الناحيه العريضه من اعلى والصغيره من اسفل
ومطلوب كمان قطعة قماش مستطيلة الشكل طولها حوالى
80 سنتيمتر وعرضها حوالى 40 سنتيمتر
وبعدين كل اخت ممكن تعمل مقاسها
مع استعدادى الكامل لاى استفسار
ـــــــــــــــــــــــــــــــــــــــ
هاكمل معاكم المريلة
انا قلت احضر 5 مربعات صغيرة هأشتغل فى 3 مربعات وبعدين اقول
عايزين الباقى فى ايه
هاشتغل معاكم مربع واحد بالتفصيل بس انتوا اعملوا الثلاث
مربعات زى بعض
الأول هأكحل حواف المربع بغرزة الحشو بعد برم الحافة
لنضمن نضافة الحافة زى كده
ده شكل المربع بعد شغل الحافة بغرزة الحشو
ده شكل كورنر (ركن ) المربع ولاحظى انك لازم تشتغلى اكثر
من غرزة فى عين واحدة لتحصلى على دوران المربع بإرتياح زى كده
هنا وصلت لآخر الحافة وهأبدأ فى شغل الغرزة
المستعمله طبعاً بأقفل السطر بمنزلقة فى أول غرزة للمربع علشان أبدأ السطر الثانى
السطر الثانى هأشتغل وحدات عبارة عن (5 عماويد بلفه واحده ) و( 2 سلسلة وعمود و2 سلسلة )
الاول هأشتغل ثلاث سلاسل بمثابة أول عمود
هأكمل الأربع عماويد الباقيين لأحصل على أول وحدة فى أول ضلع من المربع
إشتغلى 2 سلسلة وعمود بلفة و2 سلسلة
وهنا اشتغلت مجموعة ثانية زى اللى فاتت
هنا خلصت أول سطر ياريت تمشوا معايا علشان نخلص مع بعض
النهارده خلصت وألى ان نلتقى لكم كل الود