السلام عليكم ورحمة الله وبركاته :)
الحمدلله كثير استفدت من هذا المنتدى من اخوات عزيزات على القلب
واليوم حابة افيدكم بعمل صغير وهو عبارة عن منظم للخواتم والاقراط احياناً ( الاخراص او الحلق )
للتخلص من فوضويتها في الادراج حتى لو كانت الادراج صغيرة احيان الخاتم اللي تبغيه يكون قدام عينك
بس منتي شايفته من الفوضى وكلها فوق بعض ,, واوقات تكون عندنا خواتم غالية فنخليها في العلب حقتها
وبكذا تتكوم عندنا العلب ,, الطريقة شفتها ع التي في
نبدأ العمل بسم الله
اول شي الأدوات عبارة عن
غرا + تجليد لصق + قماش جوخ + مقص + كرتون جزم الله يكرمكم
لون القماش في المكتبة كان بارد ولما جيت البيت انفجعت مرررررة فاقع اللون بس يمشي حتى في الصورة
مبين بارد ,,
اول شي نخلي الغطا على جمب ونجيب الكرتونة ونبدأ نقص لين يسير نحيف بسمك الغطا
تقريباً او اسمك عادي ,, معليش ماصورت الخطوة لأني مااتذكرت الا لما قربت اخلص بس ان شاء الله تكون مفهومة
بعد ماخلصنا القص حنبدأ نجلد العلبة والغطا تجليد كامل وخاصة الغطا يعني ارضية العلبة مو مهم
تتجلد لانها حتتغطا بالقماش
هنا الغطا مجلد
بعد كدا نجيب القماش ونقصه على مقاس العبلة ونبدأ نطوي من بداية الطرف الى نهاية الطرف
انتوا قصوها اريح وافضل خلوا القطع صغيرة وانتوا تطووها مو كبيرة تتعب وتنفك عليكي
حتسير بالطريقة هادي وتبدأي تلصقي من الاطراف فقط ع اساس ماتنفك
ترصيها في العبلة وتضغطي عليها وتعبي الفراغ بنفس الطريقة لازم تكون ملمومة وماسكة عشان لما تحطي الخواتم تثبت اكيد فاهمين عليا
وهنا بعد ماخلصنا وزي منتوا شايفين حطيت ع الطرفين قطعتين عشان الشكل يكون مرتب
رتبنا عليها الخواتم وبعض الاخراص طلعت بالشكل دا
سهلة الطريقة وان شاء الله الكل يستفيييييييد
ادعولي بتيسيير امورنا انا وبعلي ,,
يلا فتكو بعافية و خدوووا :26: