السلام عليكم ورحمة الله وبركاته
كيف احوالكم ان شاء الله طيبين:)
المهم ما احب اطول عليكم بعطيكم وصفة فته لذيذة تخليكي ما تقدرين تستغنين عنها
المقادير:
كزبرة
شبنت
بقدونس
خبز خفيف
باذنجان
نخي
الصلصة:
3روب
3ملاعق مايونيز
نصف ليمونة
رشة ملح
شوية سكر
الطريقة:
اولا قطعي الباذنجان الى مكعبات صغيرة بعدين احمسيه بالدهن لما يصير لونه اشقر طلعيه وطبعا تكونين حاطة عليه شوية ملح
ثانيا قطعي الخبز الى قطع صغيرة بالتساوي بعدين احمسيه بالدهن بس دير بالج لاتخلينه على النار مدة طويلة بس اول ما تشوفينه صار لونه اشقر على طول طلعيه لانه لونه راح يغمق اذا طلعتيه
ثالثا الكزبرة والبقدونس والشبنت قطعيهم الى قطع صغيرة
رابعا تخلطين الصلصة كلها مع بعض واذا حاسه ناقصها شي انتي والكمية اللي تبينها كيفج
خامسا صفي الباذنجان والخبز والكزبرة والشبنت والبقدونس والنخي في البايريكس بعدين صبي الصلصة عليهم وكرري هذي الخطوة لما تصير طبقات واخر شي زيني الطبق بالنخي والخبز
وهذي الوصفة وعطيتكم اياها ان تسوونها وتعجبكم وامانة اللي تسويها وواضبطتها تعطيني خبر وشكرررررا:26: :26:
قمررر@@ @kmrrr_1
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة