طريقة فطائر السبانخ

هذي من كتاب المطاحن ولا شفت اروع منها خذي مني يا اختي

كيس طحين ابيض وزن كيلو
5 ملاعق كبيره حليب بودره
ملعقه كبيره سكر
ملعقه ونص كبيره خميره
ملعقه ملح
كوب زيت ذره
3 كوب ماي
عجنيها لما تتجانس عدل والافضل لو عندج عجانه تنعمها لجح

الحشوه
كيسين سبانخ مجمده وممكن طازجه لو متوفره
بصلتين كبار مفرومين
نص كوب عصير ليمون
نص كوب زيت زيتون
ملح فلفل اسود
2 ملعقه كبيره سماق

تخلط الحشوه مع بعضها جيدا وهي نيه لا تحتاج طبخ السبانخ تستوي بالليمون والملح
اتركيها مخلزطه لمدة نص ساعه ثم ضعيها في مصفاة واعصريها عشان تنزلين السائل الزايد طبعا مو حيل عشان لا تنشف
بعد ان تخمر العجينه اول مره قطعيها كور صغيره واتركيها ترتاح ربع ساعه ثم افردي كل قطعه على شكل دائره واحشيها من السبانخ وطبقيها على بعض مثلث
تريح ربع ساعه قبل الخبز
تدهن صفار بيضه مضروب مع ملعقه حليب سائل قبل الخبز مباشره

طلعيها من الفرن وغطيها بفوطه نظيفه 5 دقايق بس عشان تحتفظ برطوبه
وتقدم
وبالعافيه:27:

الله يعطيك العافية أختي على هذه الوصفة , واضح انها عجينة ممتازة وراح أجربها باذن الله، وجزاك الله خير :26:

ممكن تنصفينها يا اختي يغعني نص كيلو
من باب التجربه
:26:
وبالعافيه مقدما:27:

مرحبا
بس اضافة صغيرة للمقادير يللي ذكرتها الاخت ماكو اسامي ضعي 1 ملعقة صغيرة كمون مطحون و1 ملعقة صغيرة شطة حمرا في خلطة السبانخ وشوفي كيف الحشوة بنطلعما في منها وصحتين مقدما

معاج حق الشطه وايد تحليها وانا احطها دوم بس الخضرا

بس هي قالت تبيها لعيالها

يزاج الله كل خير على الاضافه:27: