طريقتي بالكبسه للي طلبوني الطريقه
راح ادخل بالطريقه بدون مقادير...اولا
قطعت ثلاث بصلات وسط وحطيتها بالقدر
وحطيت زيت طبخ دوار الشمس وكثرته اشوي ونص ملعقه ثوم مفروم
وحمستها عالنار وحطيت ملعقه بهارت مشكل وفلفل اسود وكمون وماجي مكعب واحد وملعقه اجي انو موتو بهار ابيض
وقرفه اعواد وهيل سبع حبات وقرنفل 7 حبات وليمون اسود ثلاث حبات وخليتها تتسبك مع البصل وريحتها جناان روعه
ثانيا...
حطيت الدجاج بعد ماقسمته نصين وحطيت علبتين صلصه وصبيت مويه لحد ماتغطى الدجاج وضغطته بقدر الضغط ثللث ساعه على نار وسط
ثالثا...
بعدين طفيت عليه وفتحته وشلت الدجاج حته بصينيه ودخلته الفرن يتحمر من فوق
طبعا وانتي قافله القدر عالدجاج >> اغسلي اربع كاسات رز او على حسب الكميه وبعد ماتغسلينه زين نقعيه بالمويه لحد مايتشرب الرز الماء
رابعا....
نرجع بعد ماطلعنا الدجاج نحط الرز وانا عني اوقف ملعقه خشب بوسط القدر اذا مالت من اي جهه اعرف انه المويه كثيره
واذا وقفت الملعقه اعرف انه الرز ومويته مظبوطه
خامسا....
اتأكد من الملح واقطع فلفل رومي شريحتين كبيره وارميها عالرز واقفل القدر ويطبخ تقريبا ربع ساعه او اكثر شوي وعلى نار هادئه
وبألف عافيه يااااارب
طبعا نوع الرز عندي ابو كاس وهذي طريقتي بالكبسه
