طريقة لتثبيت الوزن بعد خسارته

مرحبا بك
عزيزتي ممنوع تحرمين نفسك من الاكل لانك كذا تعطلين عملية الايض وتخلين جسمك يعلن حالة الطواريء ويكدس دهون تحسباً للمجاعه اللي راح تجيه
ركزي على البدائل الصحيه الخفيفه بالسعرات الحراريه
السلطات الخضراء ماتسمن تقدرين تاكلين منها الكميه اللي تشبعك لان سعراتها الحراريه قليله وغنيه بالالياف اللي تحسسك بالشبع وفيها فيتامينات ومعادن تغذي جسمك
شوربة الخضار مثل البروكولي او الفطر مع كرفس ومرق لحم او مرق دجاج ممكن تاكلين منه يشبعك وبنفس الوقت سعراته الحراريه قليله ويغذي الجسم
لا تحرمين نفسك خاصة وقت الجوع لازم يكون عندك اما سلطه او شوربه جاهزه تاخذين منها لسد الجوع
اما بخصوص المحافظه على الوزن فقط قللي الحلويات والزيوت والنشويات لانها هي اللي تسمن
اما الخضار الغير نشويه والورقيات الخضراء ماتسمن كلي منها في كل وجباتك
واكيد مارسي اي نشاط رياضي معتدل 3 مرات بالاسبوع
وممكن في الاسبوع تخصصين يوم واحد فقط يكون عباره عن سوائل مثل شوربة بمرق اللحم او الدجاج مع قليل خضار غير نشويه ، عصير ورقيات خضراء بالليمون ، مشروبات ساخنه بدون سكر مثل شاي اخضر زنجبيل قرفه
او ممكن تخصصين يوم او يومين فقط في الاسبوع عباره عن صيام متقطع يعني صيام عن الاكل لمدة 16 ساعه متواصله وتاكلين وجبتين صحيه خلال الثمانيه ساعات اللي بقت باليوم بحيث يكون بين كل وجبه 4 ساعات
ومسموح خلال ساعات الصيام بشرب الماء والشاي والقهوه بدون اي محليات او سكريات
وانتبهي لا تبالغين في مراقبة الوزن لان ربما تدخلين في مرض عباره عن هوس بمراقبة الوزن وخوف شديد من زيادته لدرجة الامتناع عن الاكل تماماً او استفراغه وللاسف ماراح تحسين انك مريضه لانك مو مستوعبه الشي اللي تعملينه انه غلط ويسبب لك ضرر شديد