هلا خواتي...
عندي طريقة استخدمها لتنظيف الفرن من داخل و لتنظيف المايكرويف...
حبيت افيدكم و ما ابي منكم الا الدعوات الطيبة...
بالنسبة للمايكرويف تاخذين طاسة زجاجية عميقة و تحطين فيها ماي و ليمونة مقطوعة نصفين و تحطينها داخل المايكرويف .. و تشغلينه لمدة لا تقل عن خمس دقائق... و يفضل لو تتركينها داخل المايكرويف كم دقيقة زيادة لان البخار المتصاعد من الطاسة بيذوب لج كل الاوساخ العالقة من داخل و بهالطريقة ما راح تحتاجين لاي فرك.. و بيصير تنظيف المايكرويف سهل جدا ان شاء الله.
بالنسبة للفرن.. تاخذين جدر كبير و تحطين فيه ليمونة مقطوعة نصفين مع ماي.. و توصلين الماي لدرجة الغليان.. و بعدين تاخذين الجدر كامل و تحطينه داخل الفرن لمدة لا تقل عن ربع ساعة.. و راح تشوفين تنظيف الفرن بيكون جددا سهل و زجاج الفرن راح يكون نظيييف و لا راح يتطلب منج فرك و لا غيره.
على فكرة بنات الليمون بشكل عام منظف ممتاز... انا على طول استخدمه في كل التنظيفات.. و على طول احط قطعة ليمون في الصابون المخصص لغسيل المواعين.. ينظف لي المواعين بطريقة رائعة و سهله و يشيل كل الروائح غير المستحبة خصوصا لو كان الاكل فيه زفر مثل السمك..
هذا كل اللي عندي و لا تنسون تدعون لي...
موفقين
بس عندي سؤال القدر اذا طبختيه وحطتيتيه في الفرن لمدة ربع ساعه هل تخلينه مفتوح النار عليه في الفرن او تكتفين بالبخار
وجزاك الله خيرا