أول موضوع أكتبه في هالمنتدى..ويارب يفيدكم ولو بشيء بسيط:)
أنا أحب المكياج..وأتفنن فيه..وأكثر شي أحبه السموكي بلمعة..
وتقريبا أكثر أنواع الشدو جربتها..الماركات الكبيرة زي ميك أب فور إيفر MakeUp Forever وسان لوران ولانكوم..
وجربت الشدو العادي اللي يجي تقريبا 40 لون بـ 45 ريال..
وفي كل الحالتين كانت تواجهني ثلاث مشاكل:
1-عدم ثبات الشدو,, خصوصا في الصيف والأجواء الحارة, لابد إنه يتراكم في تجاعيد الجفن, أو يخف في وسط الجفن ويبقى على الأطراف.
2-بهتان لون الشدو و تغيّره عن لونه الأصلي تغيير كبير..
3- الألوان الفاتحة -واللي هالسنة دارجة مرة بالصيف- ما تكون واضحة وساطعة على جفني,, وأحس كأني تعبانة أو أحد معطيني بوقس مع عيني :22: ..
ودلّتني أختي على شيء صار من يومها أساسي في شنطة مكياجي..والزين فيه إنه صغيرووون وممكن تحطينه في أي شنطة ماكياج..وسعره رخيص -على ما أتذكر 25 ريال- ومتوفر بكل محلات مكياجي..
ألا وهو Eyeshadow Base من ماركة ARTDECO..
والطريقة ببساطة هو إنك بعد ما تحطين كريم الأساس على منطقة الجفون, تأخذين مسحة من هالأساس وتغطين فيه الجفن العلوي,, أنا عن نفسي, أجيب قطن الأذان وأحط تحت رموش الجفن السفلي بعد إذا كنت ناوية أحط ألوان صارخة حوالين العين, مثل التركوازي والفوشي أو السماوي الفاقع..
بعدين توزعين الشدو,, وأفضل طريقة -من وجهة نظري, هو توزيع الشدو بوسط الجفن أولا باستخدام الأسفنجة التقليدية اللي تجي مع الشدو, وعند نهاية الجفن استخدمي الفرشة الشعر الخفيفة, عشان يصير فيه مزج حلو وما يصير شكل الشدو كأنه محدد بقلم..
وهو لون واحد..مافيه درجات.. ولونه بيج على وردي خفيف.. صدقيني لو حطيتي أي شدو من أي ماركة, راح يعطيك نفس اللون اللي بالعلبة ونفس اللمعة وبيحافظ على ثبات الشدو أطول وقت..
بس الحق ينقال,, كل ما كان الشدو ماركة حلوة, كلما صار الثبات أكثر, وأنا من تجربتي لاحظت إنه ينفع 100% مع شدوهات مكياجي نفسها.. يعطي لمعة ولون حلو زي ما أبي بالضبط..
أرجو إني أفدتكم بهالمعلومة..وأترككم مع صورة الأساس,, وعلى فكرة, تراي صورته جنب اللابيلو عشان تعرفون حجمه:42:
وهاذي صورة ثانية
دعواتكم لي بالهداية وصلاح النية والذرية:26:
