طريقة اللقيمات لعيونكم الحلوه
قلت موب نايمه لين انزلكم الطريقه تحتاجونه لفطور بكرا
ان شاء الله هالطريقه مضمونه وتبي تنجح معك
2 كاس دقيق
2 ملعقة كبيرة سكر
2 ملعقة كبيرة نشاء
2 ملعقة كبيرة زيت
2 ملعقة كبيرة حليب بودرة
1 ملعقة كبيرة خميرة فورية
نصف ملعقة صغيرة ملح
2 كاس ماء دافئ
هذي الوصفة الأساسية وهي اضبط طريقة مرت علي
بس لأني احب اللبن
غيرت اشوي بالوصفة
بعد ان كان 2 كاس ماء دافي
حطيت كاس ماء وكاس لبن
وانتي ورغبتك لأن كلا الحالتين اللقيمات لذيذه
الطريقه
اخلطهم جيداً واتركها ساعة وربع
بس بهالحر تتخمر بنصف ساعة تقريبا
بعدين اقليها بنار متوسطه بالبدايه
بس يكون الزيت حار بعدين
اعلي النار واقلبها لين تاخذ لون واحد
بعدين اطلعها من الزيت
وارشها بالعسل انا ماأويد الشيرة مطلقاً
بعدين عند القلي لازم يكون
عندك صحن صغير فيه زيت
وملاعق علشان تمسكين العجين بيد
والملعقة باليد الثانيه واقطي
من العجين بواسطة الملعقة
وارميها بالزيت بس لازم
تغطين الملعقة بالزيت
باستمرار علشان مايلصق العجين
وافضل الملاعق الصغيرة
وان شاء الله فهمتوا
وبالعافيه على قلوبكم
وتصبحون على حب وسعادة