@أم عبدالملك@ @am_aabdalmlk_9
محررة برونزية
طريقة مجبوس الدجاج والدقوس لعيونكم ياحلوين
السلام عليكم
قريت موضوع رز الخراز
وكثييييييير من الاخوات حابين طريقة مجبوس الدجاج
بصراحة مررررررررة لذيذ انصحكم فية وسهل بعد .
حاولت اكتب الطريقة بابسط شي واي سؤال انا حاضرة .
-انقعي حمص الصغاررر الي يكون نص حبة بموية حارة ربع ساعة تقريبا , ثم اغسلية واسلقية وراقبية وكل اشوي اختبري النضج لانة ينضج بسرعة بس لا تخلية لين مررة عشان ما ينهرس , بعدين صفية وخلية على جنب .
- قطعي بصل صغار , واحمسية بسمن ( افضل ) الى ان يصير ذهبي اضيفي علية الحمص وقلبية وشوية ملح وبهار مشكل . ( خلية على جنب هذا الحشو للوجة على الرز )
- انقعي شوي زعفران بموية حاررة وخلية على جنب مع قطرات من ماء الورد .
- انقعي مقدار الرز الي يكفي عائلتك رز بشاور .
- اغسلي الدجاجة واسلقيها بموية مع ملح وبهارات صحيحة ( فلفل اسود , كزبرة , ورق غار , هيل , مسمار , قرفة )
وبصلة مقطعة ارباع .
- اتركي الدجاجة الى ان تنظج .
- حطيها بصينية الفرن امسحيها بزيت او زبدة بعدين امسحي عليها من منقوع الزعفران وموية الورد مسح بس المنقوع بنحتاجة بطبخ الرز .وحمريها بالفرن .
- صفي مرقة الدجاج من البهارات .
-حضري القدر الي بتطبخين فية الرز حطي زيت ( الرز البشاور ياخذ زيت اكثر من الرز الثاني على شان يكون نثري )
حطي الرز ع الزيت بس ماتسخني الزيت مرررررررررة وقلبية بالزيت الشوي بعدين حطي مرقة الدجاج علية يرتفع عن الرز مقدار عرض الاصبع تقريبا .
- بعد ماتخف موية الرز وطي النار علية ( الطريقة المعتادة لطبخ الرز )
- لما يقرب ينشف مررررررررررة حطي علية من الجنب منقوع الزعفران يعني مو تصبية على كل الرز جه وحدة بسس
ولما ينضج الرز وينشف موية تمام .
اغرفي اول شي الرز الي اخذ لون الزعفران وحطية فوق حشوة البصل والحمص وحركية معاهم ( من غير نار )
وحطي الرز بصحن التقديم وحطي على الوجة الحشوة راح يكون الوجة اصفررر من الزعفران
وريحة الرز مررررررة حلوة من الزعفران وماء الورد .
وحطي بالوسط الدجاجة الي حمرتيها .
الدقوس :
حطي بالقدر شوووي زيت وحطي علية الثوم المدقوق
احمسية شووي
اضيفي صلصلة طماطم واحمسية شووي
بعدين طماطم مخلوطة بالخلاط
وقرن فلفل يعطي ريحة حلووة
ولما يغلي خلية على نار هادية
اضيفي ملح
واذا حابة يكون فية شطة حطي شطة مجروشة
وبالعافية كنت اتمنى اسوية وانزلة بالصور بس ما حبيت اتاخر عليكم لاحظت كثيير يبغون الطريقة
وان شاء الله اشوف تطبيقاتكم :)
32
5K
يلزم عليك تسجيل الدخول أولًا لكتابة تعليق.
Golden Phoenix
•
بارك الله فيك مشكورة
الصفحة الأخيرة