طريقة مجربه وسهله للحمل بإذن الله

بسم الله الرحمن الرحيم

أول شي اللي بقوله مو موضوع منقول
انا بنفسي ..آخر العنقود.. شفت وسألت وعرفت الطريقه
أول شيء بكتب لكم القصة بعدها الطريقة

كانت تجينا سودانية نقاشة والحلاوة وإلخ متعاملين معاها لنا ثلاث سنين او سنتين تقريباً
المهم عندها بنت وولد
والولد بالابتدائي والبنت بتدخل المدرسه هالسنة
وعندها أخت متأخره الحمل
وهي ودها تحمل بعد لانها تأخرت بعد بنتها ومره كانت جايتنا وكانت توها مسقطه وبعدها ماحملت
المهم كانت تسولف معانا
وقالت تعالجنا كثير ورحنا لمشايخ والمستشفيات وربي ماكتب لنا للان

المهم جتنا قبل اربعه ايام وواخر شي شفناها قبل سنه
المهم ماشاءالله كانت حامل بالشهر الثامن
وسألنها قلنا مو انتي قلتي انك تعالجتي انتي واختك وتأخرتوا قالت أيوه
قلنا كيف حملتي ماشاءالله والله يتمم حملها ويفرحها يارب
قالت وحده من الحريم اللي أروح لهم عشان الحلاوه وكذا قالت لي ع هالطريقه و مجربينها كثير وحملوا ماشاءالله
واختها حملت وجابت ولد ماشاءالله ..

الطريقه :
تمره وحده وتحشينها برشاد
وتأكلينها ع الريق أول ماتقومين من النوم وتشربين بعدها ع طول كأس ماء وتجلسين بعدها ساعتين صايمه ماتاكلين شي
طبعا هذي تستعملينها من ثالث يوم للدورة لمدة خمسة ايام حتى لو خلصتي من الدوره ضروري خمسة ايام وبس هذي هي الطريقه

وتقول والله بالبدايه ماقتنعت بالطريقه ويمكم انتم ماقتنعتوا بس جربوا تراه شي سهل ، قلت مستحيل انا اروح مستشفيات والنهايه بس هذي الطريقه
بعد فتره قالت بجرب وتقول حملت ماشااءالله تبارك
تقول والله العظيم إني علمت ٧ حريم من زبائني اللي اروح لهم والله العظيم انهم اتصلوا علي وجلسوا يدعون لي وانهم حملوا ووحده منهم لها ١٤ سنه ماحملت ابدا
ويوم استعملت هالطريقه ربي كتب لها الحمل
وانتهت القصة والطريقه ..

اللي أبي اقولها توكلوا ع الله واعملوا بالاسباب ولا تتعلقون فيها وكثروا من الاستغفار والبقره والدعااء
والطريقه مررره سهله مو صعبه طبقوووها


انا ماجربتها لاني مو متزوجه بس هالسودانيه انا شفتها بنفسي وحنا اللي سألنها وشفنها قبل ماتحمل ويوم حملت ..

وربي كتبته عشان الاجر والله يجعل هالموضوع فرحه لكثير منكككم ويكون خالص لربي
وحباً لكمم بعد
ويارب تستفيدون وتجون بهالموضوع وتفروحونا بحملكم يارب،
واللي بتجربه او جربته او تعرف وحده جربته تكتب التجارب هنا بعد ..

كل ماتأكلون تمره وكل ماتتذكروني ادعوا لي بكل شي جميييل لاتنسوني من دعواتكككم .. ❤️

أختكم ..آخر العنقود..