بشرتك عنوان جمالك .. علشان كده لازم تهتمى ببشرتك وتكون مشرقة طول الوقت ..
وعلشان تهتمى ببشرتك وتعتنى بيها لازم تعرفى نوع بشرتك الأول .. علشان تقدرى تحددى الغسول والكريمات المناسبة لنوع بشرتك ..
أول حاجة لازم نعرف أنواع البشرة :
عادية - جافة - دهنية - مختلطة
ازاى تعرفى نوع بشرتك بسهولة ؟؟
أول ما تصحى من النوم وقبل ما تحطى أى مكياج هتجيبى قطنة نظيفة ..
هتغسلى بشرتك بماء فاتر وتغسلى بأى غسول عندك ..
هتنشفى بشرتك بفوطة نظيفة .. هتقعدى ساعة بعد كده بدون ما تتعرضى لشمس ولا تراب ولا حتى عرق .
بصى فى المراية بعد كده :
لو لقيتى بشرتك نظيفة ومفيهاش مسام واسعة أو بتلمع تبقى بشرتك عادية .
لو لاحظتى بقى أن فى اجزاء خشنة فى بشرتك .. أو فى جلد ميت أو بشرتك حساها جافة .. يبقى كده بشرتك جافة وبتحتاج لترطيب قوى ..
لو لاحظتى بقى بشرتك بتلمع وعليها طبقة زيتية فبشرتك كده دهنية ..
أما بقى لو لقيتى مسام الأنف والدقن واسعة وفى بعض الزيوت وعلى الخدود وحوالين الفم جاف يبقى كده بشرتك مختلطة .
د/ صفاء أبو العزم @d_sfaaa_abo_alaazm
عضوة فعالة
يلزم عليك تسجيل الدخول أولًا لكتابة تعليق.
الهنوف محمد2
•
يعطيك ألف عافية بجربها بس أعتقد مختلطة
يعطيك ألف عافية بجربها بس أعتقد مختلطةيعطيك ألف عافية بجربها بس أعتقد مختلطة
نورتى الموضوع يا قمر .. شوفى يا جميل وانا تحت امرك ان شاء الله
الصفحة الأخيرة