السلام عليكم ورحمة الله وبركاته ....
تلبية لطلب الكثير من الاخوات .... جبت لكم طريقة المفرش اللي عملته مع طقم البيبي ....
للاسف انا ما عندي باترون ... عندي بس الطريقة ...
اولاً هذي صورة المفرش اللي عملته ....
وهذي الطريقة بالانجليزي ...
وهذا باترون الغرزة للتوضيح ... بس فيها شوية اختلاف ...
نبدأ بالشرح .... بسم الله ...
اول شي حابة اوضح ان غرزة الـ picot عبارة عن: 3 سلاسل , بعدين حشو على رأس العمود الاخير
هي غرزة معروفة بس مدري ايش اسمها بالعربي يا ريت الاخوات الخبيرات يوضحون اسمها بالعربي
بداية نشتغل 93 غرزة
السطر الاول: نشتغل حشو في السلسلة الثانية من ناحية الابرة وفي السلسلة اللي بعدها كمان , نعمل 3 سلاسل ونترك سلسلتين ونشتغل حشو في السلسلة الثالثة , نعمل 5 سلاسل ونترك 4 سلاسل ونعمل حشو في السلسلة الخامسة , نعمل 3 سلاسل من جديد *نترك 2سلسلة ونشتغل حشو في الثلاث سلاسل التالية , نعمل 3 سلاسل ونترك 2 سلسلة ونشتغل حشو في السلسلة الثالثة , 5 سلاسل نترك 4 سلاسل ونشتغل حشو في السلسلة الخامسة , 3 سلاسل ونكرر من رمز* الى آخر 4 سلاسل نترك 2 سلسلة ونشتغل حشو في السلسلتين المتبقيتين
السطر الثاني: نطلع بسلسلة ونلف الشغل , نشتغل حشو على اول حشو من السطر السابق , سلسلة *نشتغل حشو على الثلاث سلاسل من السطر السابق (يعني الفراغ المكون من 3 سلاسل) , 2 سلسلة , 7 عمود بلفة في الفراغ المكون من 5 سلاسل , 2 سلسلة , حشو في الفراغ التالي المكون من 3 سلاسل , سلسلة ونكرر من رمز * الى آخر 2 حشو , نترك غرزة ونشتغل حشو في الغرزة الاخيرة
السطر الثالث: 3 سلاسل (بيكون عبارة عن اول عمود) , نلف الشغل ونشتغل عمود على اول فراغ مكون من سلسلة وحدة , نترك الحشو التالي , ونعمل عمود فوق العمود التالي (سلسلة , عمود على العمود التالي ) نكرر ما بين القوسين 6 مرات , *نترك الفراغ التالي المكون من سلسلتين , (نعمل عمود ثم غرزة picot ثم عمود) نشتغل ما بين القوسين في الفراغ التالي , نترك الحشو التالي ونعمل عمود في العمود التالي , (سلسلة , عمود على العمود التالي ) نكرر ما بين القوسين 6 مرات , نكرر من عند الرمز * الى آخر فراغين , نترك اول فراغ مكون من سلسلتين ونعمل عمود في الفراغ الاخير المكون من سلسلة وكمان عمود في الحشو الاخير
السطر الرابع: سلسلة ونلف الشغل , حشو في العمود الاول , سلسلة , حشو في الفراغ التالي المكون من سلسلة وحدة , (3 سلاسل , حشو في الفراغ التالي المكون من سلسلة وحدة ) نكرر ما بين القوسين 5 مرات , * 5 سلاسل , نترك غرزة الـ picot ونعمل حشو في الفراغ التالي المكون من سلسلة وحدة , (3 سلاسل , حشو في الفراغ التالي المكون من سلسلة وحدة ) نكرر ما بين القوسين 5 مرات , نكرر من الرمز * الى آخر 3 اعمدة , سلسلة , نترك عمودين , حشو في العمود الاخير
السطر الخامس: 3 سلاسل , نلف الشغل , عمود في الفراغ التالي المكون من سلسلة وحدة , 3 سلاسل , نترك الفراغ التالي المكون من 3 سلاسل ونعمل حشو في الفراغ التالي المكون من 3 سلاسل , 5 سلاسل , نترك الفراغ التالي المكون من 3 سلاسل ونعمل حشو في الفراغ التالي المكون من 3 سلاسل , 3 سلاسل *نترك الفراغ التالي المكون من 3 سلاسل , (عمود , غرزة picot , عمود) نشتغل ما بين القوسين في الفراغ التالي المكون من 5 سلاسل , 3 سلاسل , نترك الفراغ التالي المكون من 3 سلاسل ونعمل حشو في الفراغ التالي المكون من 3 سلاسل , 5 سلاسل , نترك الفراغ التالي المكون من 3 سلاسل ونعمل حشو في الفراغ التالي المكون من 3 سلاسل , 3 سلاسل , نكرر من الرمز * الى آخر فراغين , نترك اول فراغ مكون من 3 سلاسل , ونعمل عمود في الفراغ الاخير المكون من سلسلة وكمان عمود على الحشو الاخير
السطر السادس: سلسلة ونلف الشغل , حشو على اول عمود , سلسلة , حشو في الفراغ الاول المكون من 3 سلاسل , 2 سلسلة , 7 اعمدة في الفراغ التالي المكون من 5 سلاسل , 2 سلسلة , حشو في الفراغ التالي المكون من 3 سلاسل , *5 سلاسل , نترك غرزة الـ picot التالية , حشو في الفراغ التالي المكون من 3 سلاسل , 2 سلسلة , 7 اعمدة في الفراغ التالي المكون من 5 سلاسل , 2 سلسلة , حشو في الفراغ التالي المكون من 3 سلاسل , نكرر من الرمز* الى آخر عمودين , سلسلة , نترك العمود التالي , ونشتغل حشو في العمود الاخير
نكرر من السطر الثالث الى السطر السادس الى ان يصبح طول القطعة 30 ونص انش او حسب ما تبغي ... ولازم يكون آخر سطر في الشغل هو السطر الرابع
كده نكون انتهينا من شرح القطعة الداخليه ... باقي الحواف واللي معمولة بغرزة الاناناس
اتمنى يكون الشرح واضح وان شاء الله بكرة نكمل الحواف
اللهم صلي على سيدنا محمد
يابنات صلو عليه