طريقة ممتازة لتفتيح لون الشفايف

السلام عليكم ورحمه الله وبركاتهـ..
إزيكم يا حبايبى واحشننى آوى والله بقالى كتير مش بدخل..
المهم آنا جيبالكم طريقه روعه والله وآنا مجرباها بتفتح الشفايف الغامقه بس مع الإستمرار..
نبتدى.. بسم الله الرحمن الرحيم..
الحاجات اللى هنستعملها إيه بقى..
1-زيت زيتون
2-ليمون
3-سكر
4-فرشاه آسنان يعنى مش بتستعمليها ومتكنش خشنه آوى
5-فازلين
6-زبده كاكاو بتاعتك اللى بتستعمليها
طيب هنعمل الطريقه دى إزاى بقى وإزاى نستخدمها..
-هقولك انا بعمل إيه انا بجيب فنجانين كده بتوع القهوة الصغيرين
آو اى علبتين صغننين كده ..تمام؟
-بحط فى آول علبه كميه صغيره زيت زيتون يعنى ف حدود معلقه صغيره
وتعصرى على الزيت نص ليمونه كده تكون وسط وتخلطيهم
-وفى العلبه التانيه معلقه صغيره زيت زيتون برضه وعليه شويه سكر بس كميه السكر تكون اكبر من الزيت شويه وتخلطيهم ببعض
كده إحنا حضرنا آهم حاجه والعلبتين دول شليهم فى اى مكان ف المطبخ
ف آى رف مثلا عشان هتستعملى منهم طول الآسبوع
طيب هتستعملى الكلام ده إزاى..
-بصى يا فتوكه يا قمر آول ما تصحى م النوم كده وأنتى بتغسلى وشك عادى هتجيبى العلبه اللى فيها السكر والزيت وتغمسى الفرشاه فيها
وتدعكى شفايفك كده براحه خالص مش دعك دعك وبالذات الاطراف ..ده يعتبر تقشير للشفايف بعد ما تخلصى التقشير ده اغسلى شفايفك بالمياه عادى
-وبعدين بقى يا قمر هتجيبى العلبه اللى فيها زيت الزيتون بالليمون
وتدهنى منه شويه ع شفايفك كلها وتسيبها عادى
-كل ما تحسى ان زيت الزيتون والليمون نشف حطى تانى يعنى طول اليوم كده
-طيب وقبل ما تنامى زى ما بتغسلى وشك وسنانك قبل ما تنامى هتعملى التقشير بتاع الصبح برضه زى ما قولتلك إزاى
-لما تنامى بقى هتدهنى شفايفك بفازلين طبى تمام
-طيب وزبده كاكاو دى لأيه..؟ دى لما تخرجى يا قمر حطى منها لازم تخلى شفايفك مرطبه ع طوول انا بستعمل آماندا آكيد تعرفوها
- وهكذا نفس الكلام ده لكل يوم وبإذن الله والله ف 3 آيام هتحسى بتحسن ملحوظ بس الآستمرار والصبر وبلاش كسل
-ممكن بعد ما تحسى إن خلاص غمقان شفايفك راح تشترى كبسولات فيتامين E من الصيدليه وتدهنى بيها شفايفك ف البيت
عايزة بس آنبه ع حاجه لأن الوقايه خير من العلاج عشان شفايفك مش ترجع تغمق تانى..
1- شرب الميه كتيييير
2-اوعى معجون السنان يجى ع شفايفك خااالص
3- متسبيش شفايفك ناشفه كده لازم ترطبيها ع طوول بفازلين مثلا
4-اللى عندها تشققات فى شفايفها متعملش اللى قلت عليه ف التوبيك خالص تكتفى بس إنك تحطى لشفايفك زيت زيتون لحد ما التشققات دى تخف بإذن الله
آنا كده خلصت خلاص ..
آظن مافيش آسهل من كده ومش مكلفه بس استمروا واصبروا

لو سمحتم ارفعوا الموضوع بالدعاء لي بناتي الله يرزقكم اولاد الحلال