مثل اي وحدة منا كنت انظف الحمام بالطريقه التقليدية صابون تايد او اي نوع ثاني و معاه كلوركس أو ديتول و هالطريقه تخلي الحمامات حوسة من مياه و تاخذ وقت
لكني لقيت انه الطريقة الثانيه افضل بلميون مرة و تقلل من صرف المياه و سريعه بنفس الوقت
اول شي تجيبين منظف + معقم 2 في 1 و تعبينه في بلاستيك بخاخ بدرجة قوة معينه يعني نص منظف و نص ماء او ربع منظف و ثلاث ارباع ماء حسب المناسب
بعدين تجين للحمام تبخين على المغسله و تمسحين بالفوط الاسفنجية الي تباع بالسوبرماركت و تمسحين و تكررين حسب الحاجة و اذا فيه بقع مستعصيه ممكن تخلين المنظف عليها لمدة من الزمن أو تحطين منظفات أقوى
و تكررين نفس العملية للبانيو و طرف المرحاض من الاعلى كل شي له فوطة يعني المغسله لها وحدة و البانيو وحدة و الكرسي له وحدة خاصه فيه طبعا و لاتنسين الفرشاة للمرحاض من الداخل و ايضا تنظيف المرايا و الارضيه
و بهالطريقه تحصلين على حمام نظيف بدون حوسة مياه
تحياتي
