طريقة منع الحمل اليمنيه مضمونه 100

مرحبا اخوتي

حبيت اخبركم عن طريقة منع الحمل باسلوب العد وهذي الطريقه مضمونه ما بقول 100% مع ان مشت وياي وويه الي حوالي100 % بس بقول 99%

هذي الطريقه خبرتني جارتي اليمنيه وهي ماشيه عليها من 12 سنه واهلها الي من 13 سنه وال من 15 سنه وانا مشيت عليها 6 سنين واخواتي الي من 3 سنين والي من 4 سنين

والحمدالله الطريقه مريحه وناجحه والاهم نفسيتج مرتاحه

وهذي اطريقه بتفكج من اللولب والحبوب وكل موانع الي اتيب الاعصاب والالتهابات والنزيف

بس ابى منكم الدقه في العد والسيطره من الزوج ( يعني الي مب واثقها من ريلها لا اتسويها )

المهم انا بحسب لكم مثلا اذا كانت الدوره سبع ايام

وبنقول خلصتي الدوره واطهرتي تاريخ 31

تبدين تحسبين وياي تاريخ 1-2 هذي اليومين ما فيها حمل فعادي الجماع ايكون داخل ما في خوف

بس من بعدها تحسبين 13 يوم واتكون ايام خطيره ويكون الحمل ابسرعه فيها يعني تاريخ

3-4-5-6-7-8-9-10-11-12-13-14-15

هذي التواريخ اتكون خطيره واذا استوى جماع ايكون القذف برع وما ايكون الجماع مرتين في نفس الوقت

يعني لو تحسبون من نهاية الدوره الين نهايه فترة الحمال 15 يوم ( حطوا بالكم عدل في هذي الفتره )

ومن بعد هذي الفتره الين يوم الدوره الثانيه ايكون ما فيه خوف ولا حمل (وقولوا لزوج امرح يا بطل )

ومره ثانيه اقول

الي اتخلص دورتها في تاريخ معين تحسب بعدها 15 يوم وهذي الايام اتكون خطيره الا اول يومين

ومن بعدها ما في خوف

يعني خلصتي تاريخ 5 تتحملين على عمرج الين 20 وبعدها استانسي

والي اتخلص دورتها تاريخ 10تتحمل الين 25 وبعدها عادي ما في خوف

والباقي نفس الطريقه كل وحده تحسب لعمرها

ان شاء الله اتكون المعلومه وصلت الجميع

وعلى فكره انا من بعد 6 اسنين تركت هذي الطريقه لاني خاطري احمل وما شاء الله علي حملت في نفس الشهر الي تركت فيه الطريقه

وما ابي منكم الا دعوه حلوه ان الله يرزقني بالذريه الصالحه وبالتوفيق للجميع

منقوال لعيونكم