عواطف تركي :

ورق العنب تقدرين تسوين حشوته على ذوقك اذا ماتحبون دبس الرمان لا تحطينه واذا ماتحبون الحشوه حمراء لا تحطين معجون طماطم ونفس الشي باقي المكونات الخضراء بقدونس شبت كزبره نعناع كلها حسب ذوقك ورغبتك لان اللي يعجب ناس ممكن مايعجبك المكونات اللي اشوفها مناسبه لنا لورق العنب بصله مفرومه اشوحها بقليل زيت الى ان تذبل ثم احط معجون طماطم ملعقتين او ثلاثه واحركه مع الزيت والبصل الى ان يطلع لونه ثم احط 2 طماطم مطحون او مفروم ناعم واضيف بهارات مشكله ملعقه صغيره + كزبره ناشفه ملعقه صغيره + كمون ملعقه صغيره + فلفل اسود ملعقه صغيره + واذا متوفر نعناع ناشف برضو احط + ملح حسب الرغبه واحركه مع الطماطم والبصل . ثم اضيف كزبره مفرومه مع اعوادها اقل من ربع الربطه او الحزمه كذلك بقدونس وحوالي 10 اوراق نعناع ثم اضيف الرز المصري او صنوايت مغسول ونظيف حوالي كاسين كبار او حسب الكميه اللي احتاجها واحركه حوالي دقيقه واقفل النار . وبعد ما احشي ورق العنب واحطه بالقدر يكون بقاع القدر شرايح بطاطس واحيانا ازيد عليه شرايح طماطم وبصل ثم اصف فوقه ورق العنب واصب فوقه ليمون وماء وملح . وفي ناس يضيفون مكعب مرق يذوبونه مع الماء ويصبونه فوقه وناس يضيفون معجون طماطم للماء كلن وذوقه

ورق العنب تقدرين تسوين حشوته على ذوقك اذا ماتحبون دبس الرمان لا تحطينه واذا ماتحبون الحشوه...