طريقة وضع الحنة المغذية والمكثفة والمقوية للشعر

السلام عليكم ورحمة الله وبركاته
حقولكم وصفة جميلة والطريقة الصح لوضع الحنة على الشعر يمكن فيه بنات عارفينها بس انا اول مرة اجربها ونتايجها هايلة
تجيبي الحنة وتحطيها فيطبق وتخلطي في الخلاط حزمة جرجير وتكبيها على الحنة وتحطي شوية زيت شعر من الي انتي بتستعمليه حطي الحنة على شعرك ولفيه بالبونيه او كيس وطرحة وسيبيه على شعرك 6 ساعات
واحدة تقولي طب فين الجديد في كده اقولها فكي البونيه وسيبي شعرك مكشوف علشان ينشف وبعدين انفضيه كويس كويس وهاتي مشط سنانه واسعة وسرحي شعرك بالراحة وهاتي زيت شعر وادهني وسرحي ولفيه
يعني متغسليش شعرك وانتي حتشوفي شعرك قوي جدا ولا شعرة بتتساقط وحتحسيه قوي والشعرة سميكة ومتغلفة
اعملي كده كل اسبوع بعد ما تستحمي وسيبي شعرك كده 3 ايام تقريبا بس سرحي شعرك على اي قماشة قديمة لأنه حيفضل ينزل فتافيت الحنة والبسي حاجة عاديه من هدومك لأن اللياقة حتتلون من الحنة صدقوني انا جربتها وشعري كان اول ما احط ايدي كده ينزل دلوقتي بشد فيه مش بينزل ودي اول اسبوع احطها فحبيت اكتب لكم الوصفة وانا ان شاء الله حعملها كل اسبوع مش حبطلها بس اختي بقالها مده بتعملها والنتيجة بسم الله ما شاء الله لمعان رهيب وقوة للشعر حتى بابا لاحظ ان شعرها اتغير وقالها اديني من الوصفة بتاعتك علشان لحيتي خشنة
وادعي لي