طريقة وضع المكياج جيبوا الادوات والحقووني

الســـــــــــلام عليكم ورحمة الله وبركاتــــــــــــــــــه



:32:




يسعد صباحكم جميعاا

ياحلوااااات ابعطيكم طريقة وضع المكيااج سهله ورهيبه
وياليت تتقنونهاا عدل علشان نوصل للنتيجه المضمونه هذة
الطريقة انا استخدمها من زمان ودايم يسألوني منو حاط لك مكياجك
وبأي صالون والله جد يابنات بس قبل لا ابدأ ابيكم تجيبون هالاغراض

1_اول شي اللي وجيهم نحيفه ومو مليانه يجيبون امبولة باايوت PAYOT
هذي الامبوله تخلي وجهك كنه ملياان وتنحط قبل المكياج بـ عشر دقايق وتستخدم في مكياج العرائس في الفنادق والصالونات المشهوره

2-كريم اساس مناسب لبشرتك ويفضل شارمل للمناسبات الرسميه مثل (العروس)

3- كونسيلر وهو خافي العيووب ويفضل من ماركة جادوور لانه رخيص ورهيب ويبقى ثابت لمدة طويله ويجي مثل روج الحمره يعني فر انا قاعده اكتب لكم الحاجات اللي استخدمها واذا عندك افضل لاباس جيبيه

4- اي شدو( الظلال) وانا افضل ماركة مبرووك الوانها روعه وثابته واذا عندك افضل جيبيه ويمكن نستفيد ونغير بس والله من تجربه قاعده اكتب لكم لان حرام تروح افلوسكم على شغلات غاليه او تروحين الصالون وتدفعين حق ليله وحده بس وتغسلينه تعلمي انتي بنفسك

5- ايلاينر ( كحل سائل) ويفضل لانكوم او اليزابيث هيلن (محمود سعيد) وكلهم روعه ومن تجربه بس انا اشتري اليزابيث هيلن لان نفس جودة لانكوم بس ارخص واوفر وروعه والله

6- كحل قلم داخل العين او برى ويفضل بورجوا او كازانوفاا او جيفنشي ترى كلهم بنفس المستوى والجوده والسواد انا عندي كازانوفا والله سهل وبسرعه يخط بدون لاتذوبينه بولاعه وسواده رهيب
7- بودرة صدفيه تكون علبتها دائريه صغيره ولونها صدفي وله درجات بس هي لونها يجي على بيااض شوي واذا حطيتي منها على ايدك وحركتيها تعطيك لمعه صدفيه رهيبه

8- بودرة خدود يفضل بورجوا وتكون دائريه ومعاها فرشاتها او بودرة نيبو ولك الاختيار
9- محدد للشفاة ويفضل ماركة مبروك او لووك او او رد ستار وكلهم حلوين ويخطون بسرعه
10_ روج ويفضل ماركة مبرووك او ايف سان لوراان او قولدن ليدي او اي حمره من اختيارك بس اللي اكتبهم عن تجربه وكلهم رهيباات والوانهم حلوة حيييل
11- ماسكارا وماانصحكم غير لانكوم بصراحه تخلي ارمووشك طويله ورهيبه ويفضل ماسكارا هيبووووس واذا عندك افضل منها مع ان مااظن لانها بتطول وتكثف وتحمي جيبيها
12- مثبت مكيااج ولك حرية الاختياار انا جربت جيفنشي بخااخ حلوووو واذا عندك غيره لاتهملينه جيبيه

هذي ادوات المكيااج اللي انا استخدمها ولاتكلف ترى كلها اسعارها رخيصه الا كريم الاساس لازم يكوون ماركه موثوقه علشان يبقى لاخر المناسبه بدون مايخرب او يتقطع هذا اهم شي
انا اكتفي لحد كذا واذا توافرت الاغراض هذي راح اكتب طريقتي بالمكيااج حرف حرف لحد مااوصل وياكم للي تبونه لاني استغرب ناس كثير مايعرفون حتى يخطوون الايلاينر وكل مناسبه راحت صالون ووراحت افلوسهاا
اتمنى اني افدتكم بانواع المكيااج وافضلهااا وعن تجربه والله وانشاءالله نبدا بالتنفيذ عن قريب ودمتم سالمين