طريقة وضع المكياج وافضل الانواع ... تكفووووون

السلام عليكم ورحمه الله
واسعد الله اوقاتكم بالخير


حبيباتي الله يسعدكم طلبتكم في خدمة ومتأكده ما راح تردوني
انا عندي في الاجازه أكثر من زواج وكلهم قرايب يعني لازم كشخه على الاخر
بس ظروفي الماديه ماهي ذاك الزود بحيث اقدر في كل زواج اروح للكوفيره
شعري ماعندي فيه مشكله لاني مسويه بروتين
لكن المشكله في المكياج
عشان كذا قررت اشتري مكياج كويس وجودته حلوه واتعلم بنفسي واسوي مكياجي بنفسي في البيت وانا الحمد لله اتعلم بسرعه
بس مشكلتي ما افهم كثير في المكياج لا انواعه ولا كيف احطه بحيث يطلع ناعم وحلو في نفس الوقت


عشان كذا رجعت لكم
ابغى منكم حاجتين
اولا تكتبون لي وش المكياج اللي احتاجة عشان اشتريه وياليت باسم الماركة الافضل مو لازم غاليه مره او رخيصه اهم شي جودتها كويسه وسعرها برضو معقول وعلى فكره بشرتي مابين الدهنيه والمختلطه وبشرة وجهي فاتحة مع بعض التصبغات فابغى اللي يناسبني


والشي الثاني احتاج اعرف طريقة وضعة بالتفصيل اذا عندكم قنوات يوتيوب او مواضيع لشرح وضع المكياج ياليت تفيدوني فيها واكون من الشاكرين ❤️