السلام عليكم ورحمة الله وبركاتة
.
كيفكم بنات حواء الغاليين (^_^)
اليوم حبيت انزل موضوع عن طريقة توزيع الأساس
والكونسيلر بالأدوات وبالشكل الصحيح ..
واتمنى يفيدكم ..
.
قبل ما نبدا صلوا على النبي بينكم
وبين نفسكم مو تكتبوها :35:
.
بالبداية علشان تكون تغطية الأساس
مخملية وناعمه ع البشرة .. ضروري تجهزون البشرة وتنظفونها عدل
عن طريق الغسول + المقشر
ويتبعها الكريم المرطب
اللي يناسب نوع بشرتكم ...
بعدها كل وحده ورغبتها الشخصية
في وضع البيس او الفكس من ماك او الستروب كريم
لأن موضوعي فقط عن توزيع الأساس والكونسيلر ...
هذا الوجه وهو نظيف ومقشر
ومرطب بشكل ممتاز:
توزعين نقاط من الأساس
على هالمناطق من الوجه بإصبعك:
وتستخدمين فرشاة الأساس
للتوزيع ... وانا استخدم فرشاة ماك رقم 190 وهذي صورتها:
190 Foundation Brush
M1EE_261
وهذي أسهم موضحه
على إتجاه التوزيع .. تبدون من نص الوجه وإلى الجوانب
حتى يعطيكم لوك طبيعي لأن اكثر شئ بارز بالوجه يبدأ من النص ..:
لو تلاحظون ان المناطق كلها
تنتهي للأطراف .. هنا يجي دوركم بإنكم تخففون
كثافة الأساس حتى يلامس منابت الشعر ويكون شكله طبيعي
يعني خلو بقايا توزيع الأساس هو اللي يروح لمنابت الشعر ..
وتتجهون بالتوزيع من النص إلى الجوانب
ومن ثم إلى أسفل الوجه .. حتى يتوزع كامل بشكل مرتب ونظيف:
بعد ما وزعنا الأساس ... نبدي نوزع
الكونسيلر تحت الجفون السفلية والمناطق اللي تحتاج إخفاء ... وتوزعوها على شكل
نقاط تبدأ من تحت مدمع العين إلى الزاوية الخارجية للجفون السفلية:
بهالصورة بالعين اليمين شوفوا إتجاه
التوزيع وطبعا ً بالفرشاة المخصصة للكونسيلر وتجي رفيعه راح احط لكم صورة اللي عندي بعدين
والعين اليسار تم التوزيع فيها وتبدون بعدها تطبطبون عليها بأصبعكم حتى تتشربه البشرة ويندمج مع الأساس:
انا استخدم كونسيلر من ماك العصار
ممتاز ورائع بالبداية ما عجبني لأن سائل كثير أول ما توزعينه
بس بعدين حبييته من قللب .. لما توزعين بالفرشاة وتنتظرين دقيقة إلى دقيقتين .. يبدأ ينشف ويصير كريمي ثم جاف
وهو كريمي ابدي طبطبي
عليه ووزعيه بإصبعك حتى يتموه اكثر ويندمج عدل
وبعدها راح يثبت بشكل
جميل ولا يتجمع ولا يتكتل .. ولا يسيح
وهذي صورة الكونسيلر عندي منه
درجتين وحده فاتحه والثانية اغمق منها بدرجة .. ومعاهم فرشاتين استخدمهم لتوزيع الكونسيلر:
consealer
طبعا ً الرفيعة استخدمها
وقت المناسبات لأنها اضبط .. وتدخل بالزوايا زين
ورقمها: 194
والثانية للإستخدام اليومي ..
للمعلومية: اللي عندها هالات زي حالاتي :22:
تستخدم كونسيلر غامق شوي مو كثير .. علشان لا يقلب على رمادي!
والدرجة اللي ناسبتني رقمها: NW30
والدرجة الأفتح استخدمها للمناسبات ورقمها: NW25
.
بعدها طبعا ً تكملون
الميك آب عادي ....
وان شاء الله اني افدتكم .. حياكم الله (^_^)
.
انا اتبع نفس الطريقه اللي شرحتيها بس باصابعي بدون فرش انا بشرتي دهنيه بس بعد مااتمكيج تتحول ل بشره عاديه بقشور وبنهايه السهره تبين الزيوان والمسامات
ارجو مساعدتي واسفه اذا كان مممنوع هنا وضع الاسئله بس فرحت بموضوعك الجديد