كيفكم عساكم بخير جمييييع,,,
أول شي يابنات ليه أنا أرد مرة وحدة باليوم
ثم يقولون خلاص 3مشاركات حدك باليوم
وانا طيب
مرة وحدة رديت والله قهر أشوف ردودكم ولا اقدر أرد
ماعلينا يمكن شافوا هذرتي وقرقرتي واااجد:(
المهم بعلمكم عجينة السمبوسة واللحمة يوووه
أول مرررة أكتب مقاديربالمنتدى أحس بشي طيب تحملوني نجي للعجين ضعي بالخلاط الآتي:
كاس ونص موية,ملعقة كبيرة خميرة فورية,ملعقة صغيرةسكر,2ملعقة حليب بودر,2ملعقة زبادي,2ملعقة زيت,ذرة ملح يعني رشةواخلطيها واضيفيها الى كاسين بر وكاس ابيض واعجنيها مثل عجينة الفطاير وخمريها عشر دقايق بينما تتخمر <<متعوب على الكلمة عشر دقائق اعملي الحشوة اللي هي بصل وفصين ثوم ثم اسلقي اللحمة المفرومة 5دقائق وضعيها أنا أفضل اللحم المفروم اذا كان طازة يعني مو المجمدة ذي واذا مافيه مفروم الدجاج يمشي وحركي اللحم والبصل وقطعي فلفل رومي صغار وضعيه على اللحمة ونص حبة ماجي وقطعي بقدونس وشبث هو اللي يزين السمبوسة وخليه اخر شي البقدونس وحطيه وحركي شوي وملحي لاتنسين وطفي وفي الاخير كل وحدة وذوقها بالحشوة بس هذي حشوتي اللذيذة والا ترى بتخرب السمبوسة ولاتزين خخخ وبعد ذلك قطعي العجين دواير صغار وخليها كمان عشر دقائقكان ودي صورت الطريقة بس ماجاء على بالي اني ابنزلها ولاعمري كنت ابحلم بس انا اصور الشي لاخلصت منه بس مرة ثانية اصورها وبعد ذلك خذي كل قطعة عجين وافرديها واحشيها وسكريها تصير نصف دائرة خذي العجلة حقت الجبنية مي حقت الخياطة عاد تنشب في العجين وتدعين علي وقصي الاطراف الزائدة علشان يطلع الشكل المشرشر واللي تبيها بالفرن خذي صينية وحطي زيت زيتون كثري شوي وحطي السمبوسة فيها قلبيها بزيت الزيتون شوي علشان ماتطلع ناشفة وحتى وهي بالفرن قلبيها واللي تبيها بالزيت كل ماصلحتي أربع خمس اقليها علشان ماتختمر وتنفك وش بعد تعبت بس علشانكم وبوناستي بينكم اطلبوا اللي تبون كريمة فديت عويناتي وبتطلع لكم زي هذي ان شاءالله,,,,فرحانةواحس بطير ياهوه تعلمت الحين كيف احط الصور ألف شكر لكل من علمني وأوعدكم ماابخل عليكم بشي:26:
يعطيك العافية