طريقتكم في الكنافه ؟؟

شوفي اختي انا استعمل الطريقه اللي في كتاب المطاحن الكويتيه الأخير صراحه روعه وضبطتها من أول مره

كتكو مشكووووره حبيبتي على الرد يااااااااااريت انك تذكري الطريقه الله يبارك فيك

انا اجيب الكنافه بالكيلو من بنده
افركها باقالب زبده كبير فرك ناعم
بس وحشيها اما قشطه اوالقشطه الكذابه وخلط معها علبه قشطه
وليك طريقتي
اولا
تجيبي الكنافه بالكيلو او المجمده بس عني احس اللي بالكيلو اطري
وزي ماكتبت تفركيها بزبده
وتقسميها
ربع................
وثلاث ارباع...................
تجيبي الربع وتضغطي عليه في الصينيه ضغط مزبوط
بعدين توزعي القشطه في الوسط وتبعدي عن الاطراف
وغطينها بالثلاث الارباع الباقيه
بس دخليها الفرن
بعد ماتحمر من تحت وتاكدين انها احمرت ولعي عليها من فوق
وبعد ماتحمر
اخرجيها من الفرن
تكون حاره والشيره بارده سقيها كلها فيها
وتركيها تبرد يعدين اقلبها في صحن التقديم
وجمليها بالفستق المطحون
اذا انتي ضاغطه ومرتبه الطبقه اللي تحت
تطلع مرصوصه ومرتبه
وبالعافيه



تحياتي

المقادير:
عجينة الكنافه(450 جم)
2قالب زبده(113 جم)
شيره
فستق مطحون للزينه
القشطه:
1 كوب حليب باودر
3 أكواب ماء
3 ملعقة أكل سكر
3 ملعقة أكل طحين أبيض
3ملعقة أكل سميد
1 قشطه (قيمر 170 جم)
الطريقه:
1-تصهر الزبده ثم تخلط باليد مع الكنافه جيدا.
2-تخلط مكونات القشده عدا القيمر جيدا ثم تطهى على النار وتقلب باستمرار حتى تغلي ويثخن قوامها ثم تترك لتبرد تماما ثم يضاف إليها القيمر وتخلط جيدا.
3-يوضع مقدار من الكنافه في قاع قوالب الكيك الصغيره حتى يملأ ثلثي القالب يوضع مقدار ملعقة أكل من القشده ثم يغطى مقدار من الكنافه ثم يخبز في فرن ساخن حتى تتحمر.
4-يوضع مقدار 2 ملعقة أكل من القطر على كل قطعه من الكنافه وتزين بالفستق المطحون ثم تقدم ساخنه.
وهني وعافيه على قلوبكم :)

ام الفهود مشكوووووووووره
كتكو مشكوووووووووووره الله يعطيكم العافيه ماقصرتوا
مااااااذكرتوا افضل مااااااركه او نوعيه للكنافه؟؟