[Faith] :

وعليكم السلام ورحمة الله وبركاته.. تجربتي مع الطفل العنيد.. اول شيي لاتعانديه، لاحظت غالباً الأمهات يعاندون الطفل َتكبر المشكله والطفل العنيد ماينفع هالاسلوب اللي هو فرض الرأي والصراخ والعقاب.. طلبتي منه طلب ومااستجاب او رفض انزلي لمستواه وتفهمي منه ليش رافض هذي الشغله.. اشرحيله وجهة نظرك،. ليش تمنعيه من هالشي او ليش طلبتي منه هالامر وليش الأفضل ياخذ بخيارك.. بعدها اعطيه خبار ثاني بحيث يحس انه عنده شخصيه مستقله ويقدر يختار، ودائما مع الطفل العنيد جهزي من خيار لثلاثه في اللبس او الاكل او الأوامر علشان يحس انه مو مجبور وانه مخير.. قوي علاقتك فيه باللعب والسواليف، علشان لو استخدمت كرت ' انا زعلانه منك' يكون كرت له اثره ويهتم لزعلك، اذا اهتم لزعلك بس مو عارفه يتعذر تكلمي مع اخوه او اخته الصغيره مثلا قولي ' الولد البطل يجي يعتذر لامه ويسوي اللي طلبته وهي تسامحه'.. اذا كنتي خارجه عند ناس او سوق قبل ماتخرجي اعطي عيالك القوانين والمسموح َالمرفوض قبل الخروج من البيت وقولي اتفقنا.. اللي ينفذ الاتفاق يتكافئ بمكافئه ' حلاوه ايسكريم او لعبه او اي شي يرغبه طفلك ' واللي يخل بالاتفاق ينحرم.. اذا غلط غلطه او غلطتين ذكريه بالاتفاق وخلي عندك مرونه لاتكوني صارمه جدا.. اذا أصر انه ماينفذ وتعبك استخدمي الحرمان.. هذا اللي يحضرني ان شاء الله يفيدك..

وعليكم السلام ورحمة الله وبركاته.. تجربتي مع الطفل العنيد.. اول شيي لاتعانديه، لاحظت غالباً...

كل شي كذب :

فعلا والله جربت نفس ذي الطريقة مع ولدي وماشاء الله فادتني كثير الحمد لله مع انة قبل كان مطلع عيني بالعناد ومايسمع كلامي صرت اتغاضى واحضنة يوميا وكل يوم قبل النوم احكي لة حكاية وصرت اي شي اجيبة لة مثلا شكولاتة ولا لعبة اعطية واقولة انا اشتري لك لأنك شاطر ومؤدب وتسمع الكلام صار يهتم لزعلي مع انه قبل مايهتم والحمد لله تحسن عن قبل كثير

فعلا والله جربت نفس ذي الطريقة مع ولدي وماشاء الله فادتني كثير الحمد لله مع انة قبل كان مطلع...

الحلوه المزيونه💕 :

صحيح الدعاء ثم الدعاء ثم الدعاء في كل امورنا ولاطفالنا خاصة وملحوظه صغيره مايمنع اننا لما ندعي لهم نرفع صوتنا حتى يسمعوا له تأثير عجيب على نفسياتهم اذا عرفوا ان هالدعاء مخصوص لهم بالاسم جربوها❤️

صحيح الدعاء ثم الدعاء ثم الدعاء في كل امورنا ولاطفالنا خاصة وملحوظه صغيره مايمنع اننا لما...